E hene, 03.10.2022, 12:24 AM (GMT+1)

Kulturë

Bashkim Saliasi: Fshati im

E enjte, 21.04.2022, 05:43 PM


Bashkim Saliasi

FSHATI IM

Ka vite që rrugicat në heshtje janë,

Nuk ndihen zërat e fëmijëve,

Shkollës muret e çatia i kanë rënë,

Mungon blegërima e bagëtive.

Ka vite që Dobrusha është thërrmuar,

Ujku hungëron, qeni nuk kuis,

Ara e livadhe në pyje janë shndërruar,

Fshati humbi bukurinë që kish.

Lagjet s’dallohen, shtëpitë kanë rënë,

Oxhaqet nuk nxjerrin tym e zë,

Po humbasin varret me ferra zënë,

Fshati në heshtje rri e flë.

Po zemra ime tek ti fluturon,

I përshëndet ato vende ku rri fëmijëria,

Kujtimi për ty shpesh më ngacmon,

S’më lënë të qetë mendimet e mia!

LAGJJA IME

Në lagjen time,

Dy fise jetuan,

Saliasi dhe Bejko,

Në harmoni kaluan.

S’kishim lidhje gjaku,

S’ishim nga një anë,

Gëzime e hidhërime,

Së bashku i ndamë.



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora