E enjte, 09.02.2023, 07:07 AM (GMT)

Kulturë

Lekë Mrijaj: Promovim mediatik i librit "Presidenti Trump dhe këneta globaliste" nga Klajd Kapinova

E merkure, 13.04.2022, 05:00 PM


Promovim mediatik i librit "Presidenti Trump dhe këneta globaliste" nga Klajd Kapinova

Shkruan: Lekë Mrijaj

Vepra "Presidenti Trump dhe këneta globaliste" është vepra e radhës e botuar para pak muajve nga studiuesi, Klajd Kapinova e cila para pak ditësh me ka renë në duar e që nga autori në fjalë është shkruar në mënyrë profesionale në gjuhën shqipe. Është vepra e parë në shqip dedikuar ish Presidentit Amerikan Donald Trump, pra është një libër i konceptuar profesionalisht dhe mjeshtrisht me fusnota valide dhe ka një karakter njohjeje për veprimet e tij të gjithmbarshme... Vepra "Presidenti Trump dhe këneta globaliste" është një libër e formë ditari historik, politik e kulturor i presidentit në fjalë dhe aktivitetit të tij të vyer katërvjeçar në hierarkinë amerikane, mbi të gjitha është dhe mbetet një libër me shumë vlerë si për kulturën poashtu edhe për trashëgiminë dhe historinë amerikane. Paraprakisht autori i këtij libri, studiuesi Klajd Kapinova ka konceptuar një thënie e portret të Donald Trump, të ish Presidentit të 45-të i SHBA-së duke thenë: “Nënë Tereza përfaqësonte më të mirën tek të gjithë ne. Ajo ishte një grua e shenjtë dhe e devotshme dhe unë mendoj se është e mrekullueshme të shohësh katolikët në mbarë botën që i bëjnë asaj kaq shumë nderime”. Madje në faqën tjetër ai ka konceptuar thëniet e gjeneralit me tre yje në pension të Forcave Ajrore të ShBA-së, z. Thomas Mclnerney si znj. Candace Owens.

Në faqën tjetër në vazhdim gjejmë parathënien e studiuesit të mirënjohur shqiptarë, Tomë Mrijaj, redaktor i librit, i cili në fillim veprës në fjalë jep mendime koncize duke thenë: "Lexuesit me anën e librit voluminoz të shkruar me shumë kujdes dhe përkushtim nga penda e publiçistit dhe studiuesit shqiptaro amerikan Klajd Kapinova, mund të mësoj shumë gjëra interesante mbi kulturën, historinë dhe politikën bashkëkohore amerikane". Njëkohësisht z. Mrijaj si redaktor i librit, me tutje jep një mendim të zgjeruar rreth librit duke thenë (shkoqitur një pjesë në f. 9): "Unë si redaktor i librit them se vepra e re, qe lexuesi ka në dorë veq tjerash mund të quhet një ditar i pasur në brëndësi me përshkrime të ngjarjeve dhe datave mbresëlënse, të cilat përfshijnë periudhën e sukseshme historike katërvjeçare 2016-2020 të Presidentit të 45-të të SHBA-së republikanit patriot Donald J. Trump, i cili me fakte dhe prova të reja për të mirën e popullit amerikan, radhitet si kryetari me i suksesshem në të gjithë historinë e presidentëve të Amerikës. Ndërsa në fund të parathënies së tij (f.18) studiuesi Tomë Mrijaj e permbyll parathënien me këto fjalë: "Autori shqiptaro amerikanë Klajd Kapinova, me përvojë si gazetar dhe analist bashkëkohorë, ka shkruar dhe botuar disa libra dhe mijëra shkrime me tematika të ndryshme në shumë gazeta, revista dhe website brenda dhe jashtë kufijve të vendlindjes dhe këtu në SHBA".

Në përmbajtjen e mëposhtme të librit ashtu siq vijon nga faqja 29 deri faqen 554, autori-Kapinova është përpjekur të na sjell sa më shumë material të shkruar. Ndaj radhasi gjejmë të artikuluara artikuj, vizione, skandale e fakte dhe deshmi tjera të rrymave antiamerikane. Qe në fillim, sipas autorit të librit-Kapinova, gjejmë fakte për Qytetin e Paqes - Jerusalemin, radikalen komuniste Alexandria Ocasio-Cortez, skandalet e demokratëve të SHBA-së, Thomas J. Fitton dhe Judicial Watch, George Floyd, komunisti bashkiak Bill De Blasio në krye të demokratëve në qytetin e Nju Jorkut, Leninin, Marksin, Stalinin etj., e deshmi tjera për komitetin e senatoret e ndryshëm amerikanë si dhe intervistën e gjerë të zhvilluar me Klajd Kapinova të titulluar: "Unë jam përgjegjës për ato qe i them, dhe jo për ato që kuptoni" intervistuar nga Elton N. Ndreca.

Autorit në fjalë-Klajd Kapinova, i uroj shëndet dhe asnjëherë të mos të ndalet në fushën e krijimtarisë, hulumtimit, shkencës e gazetarisë, ku ai përherë ka dëshmuar një cilësi të lartë të një hulumtuesi dhe studiuesi të gjerë, të zellshëm dhe të qendrueshëm. Suksese dhe çdo të mirë miku im Klajd.

Edhe një herë faleminderit për librin e dhuruar!!



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora