Mentor Thaqi: Ti Ibrahim na le epokë

Mentor Thaqi

TI IBRAHIM NA LÈ EPOKË

Nuk u ndalen sot homazhet

nga mëngjesi deri në mbrëmje,

dhe u krijuan bindjet, imazhet,

nderimi po kulmon mbi dhëmbje!

President, e thamë që heret,

se Ti ishe vetë Ora jonë,

këtë fakt e dinin dhe ata t´tjerët,

por inati s´i la ta thonë!

Nuk e di o Burrë i Dheut,

pse dikënd e pushtoi urrejtja?!

Nuk e kanë dertin e Atdheut,

por nga inati seç iu erdh brejtja!

E Ti që nuk e njihje shamjen,

as urrejtjen dhe as nënçmimin,

e urrejte vetëm përçamjen,

për shpëtimtar njihje bashkimin!

Dhe përulen sot para teje,

të gjithë me rend dhe pa dallim,

se sa vlenë sot e sa dje vleje,

mungesa jote na dha mësim!

Është me fat secili popull,

që mund të ketë një prijës si Ty,

t´i biejm trup e në daç rrotull,

Saga Jote është Madhështi!

Të gjithë burrështetasët nëpër Botë,

lënë diçka pas vetës së tyre,

por Ti Ibrahim na lè Epokë,

Epokë Nderi, Dritë Shembëlltyre!

Dekada e Shekuj do të ndrrohen,

brezni të shumëta dhe gjenerata,

Vlerat Tuaja do të nderohen,

ia lè Kombit e Shtetit, Dekorata!

Dhe ka një urim e lutje dhe sot,

që Shpirti Yt t´ketë lënë rrënjë,

dhe t´vjen një ditë e prap një mot

Trashëgimtarë t´Mëndjes t´kesh´lënë!

...

Mentor Thaqi

21 Kallnor 2022

https://www.facebook.com/mentor.thaqi.9