Feti Tunuzliu: Simfonia e margaritarit

Poezi

Feti TUNUZLIU

SIMFONIA E MARGARITARIT

(Ejup Statovcit)

N’periudhat e vrullshme t’Kosovës ndër vite -

pas  punës me diell e hënë dhe trashëgimisë së t’parëve, si rite,

si uji qiellin, reflektoi prore: ndershmëri, vendosmëri, urtësi, …

tok me zërin e protestës - për barazi e drejtësi.

Ndërsa, i printe përparimit me – ritëm, kohë dhe masë,

ia hipotekoi aureolës dijedashëse t’brezave në çdo fazë,

ligjërimet epike prej bilbili - për pronësi, …me gjuhë t’ligjeve,

që kumbonin barkusheve e shtigjeve.

E kur shtërgatat preknin n’sedër dhe trandnin vatrën atërore -

përputhur si harmoni perlash tingullore -

qëndiste shkëndiat  peng të dhembjes - me fjalë e vepër,

për fatin e lirisë e pavarësisë sot, nesër, …