E enjte, 28.03.2024, 08:50 PM (GMT)

Kulturë

Sevdail Hyseni: Babadimri…

E shtune, 01.01.2022, 02:30 PM


Satirike

Babadimri…

Viti plak, o Vit i Ri

Kurrë s’u patëm  n’terezi,

Njëri shkon xhepat rrotë

Tjetri vjen me thesin plot!

Shkojnë e vijnë sikur era

Sa për të bërë “selfi” te dera,

Pak dhurata, shumë urime

E çojnë jetën me premtime!

Dalin jashtë e marrim dhenë

U dhemb shpirti për mëmëdhe’në !

Me hajdutë e spiunë në çdo anë

E skapitën krejt dynjanë!

Këta që mbeten n’vatrat tona

Seç u ngopën me të thëna,

Si n’pushtet, si n’politikë

S’mbahet shpirti n’retorikë!

Gjatë kësaj kohe pandemie

S’mbeten pika lumturie,

Kërcejnë çmimet sa më lart

N’mungesë rryme agregat!

Nëse zgjat kjo krizë dhe pak

Do t’na lidhen zorrët në bark,

Si në kohë të madhit Naim

N’dritë qiriu nxinim mësim!

Ikin vitet e s’duken fare

Për t’na lënë xhepat pa pare,

Ndaj dhe ne t’ikim në shpejtësi

Drejt Merkelit n’Gjermani!

Mjaft me vitet pandemike

Dhe dhuratat simbolike…

Që i blejnë rrallë e tek

Te “gjithçka” për një lek!

Babadimrit i bëni t’fala

Këtu te ne nuk shkon fjala,

Veç paraja qoftë me nder

Që na bënë dimrin verë!

Krejt në fund o Vit i Ri

Mirë se vjen në shqiptari,

Me atë thesin bosh në duar

Për shumë vjet qofsh gëzuar!

Sevdail Hyseni, 31.12.2021

(Karikatura marrë nga internete)



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora