Zemra Shqiptare

  https://www.zemrashqiptare.net/


Kastriot Dervishi: Djegie shtëpish e marrje bagëtish!

| E hene, 01.11.2021, 05:59 PM |


Aspekte nga “epopeja e lavdishme nacionalçlirimtare” me sekuestrime, djegie shtëpish e marrje bagëtish

Nga Kastriot Dervishi

Më 4 gusht 1944, në raportin e intendentit të shtabit të Qarkut Korçë, midis të tjerash shkruhet:

"Po paraqitet një raport mbi çështje e sekuestrimeve të disa reaksionarëve për të cilat të vihet në dijeni Këshilli i Qarkut dhe të na njoftojë së shpejti qëndrimin që duhet të mbahet mbi pasuritë e tyre. Çështja është urgjente, pse kalon koha e të shirave dhe të ardhurave e tyre i tërheqin me anën miqve.

1-Xhevat Starova, reaksionar i mirënjohur, ka toka të mbjella në Veliternë. Mbi sekuestrimin e pasurive të tij, puna qëndron më dysh, pse dyshohet se mos këto pasuri janë të të atit, i cili deri tani flitet se ka mbajtur një qëndrim të mirë. Mbas hetimeve që kemi bërë, na sigurojnë se këto pasuri janë pronë e vetë Xhevatit dhe jo e të atit. Për këtë, Brigada e 4-rt, 4-5 ditë para operacionit të dytë, i sekuestroi bagëtinë dhe i dogji shtëpinë. Në bazë të këtij veprimi, mund të shikohet qëndrimi që duhet të mbajmë ne karshi pasurisë së tij (Për Këshillin e Qarkut)".