Mendime
Zenel Çeliku: Ballkan i Hapur, debat i hapur
E diele, 26.09.2021, 08:08 AM
Ballkan i Hapur, debat i hapur
Nga
Zenel Çeliku
Vërtetë
Ballkan I Hapur ka hapur debate dhe polemika të hapura deri në konflikte
ndërshtetërore si Shqipëri-Kosovë. Ideja Minishengen Ballkanik që sot po e
quajnë Ballkan I Hapur, është e vjetër dhe fillimisht është lançuar nga Fatos
Nano rreth vitit 2003. Për çudi, ata që e kundërshtojnë më shumë janë udheheqja
e Kosovës-Albin Kurti dhe Vjosa Osmani, me mendimet konspiracioniste se Ballkan
I Hapur është ide e Aleksandër Vuçiç. Pra, këta udhëheqës të “medhenj” (Albin
Kurti dhe Vjosa Osmani) nuk thellohen të kërkojnë se kur është shfaqur për herë
të parë bashkëpunimi pa kufij për vëndet e Ballkanit Perëndimor. Bashkëpunimi
rajonal, tregu rajonal, levizja e lirë e kapitaleve dhe ajo e njerëzve për
punësim apo për turizëm, gjithashtu edhe axhenda e gjelbër janë shumë të
nevojshme për Rajonin tonë. Këto çështje janë rregulluar në kuadër të Proçesit
të Berlinit dhe Samitit të Sofjes. Pra, edhe Ballkan I Hapur është asgjë më
shumë e asgjë më pak, veçse pjesë e Proçesit të Berlinit, gjë të cilën e vërtetoi
edhe Kancelarja Merkel në vizitën e saj në Tiranë. Gjithsesi sot jemi para një
debati të hapur rajonal. Për t’u larguar nga debatet I ditës lidhur me
Ballkanin e Hapur, gjithkush mundet të pyes; a ka ndonjë të keqe Bashkimi
Europian që hoqi kufijt dhe bëri që njerëzit, kapitalet dhe tregëtia europiane
të lëvizin në një hapësirë pa kufij ? Sigurisht jo. Ja pra, edhe qëllimi
Ballkan I Hapur është e njëjta gjë, ka të njëjtat përfitime për vëndet anëtare,
ndaj duhet të diskutojmë më gjak të ftohtë, pa c’mira dhe ambicie, të mos
përpiqet askush të bëj zhurmë për asgjë për të thënë se në këtë Rajon jemi edhe
ne si udhëheqës të mëdhenj. Eshtë koha të hecim përpra si Rajon sepse BE-ja po
bën sikur tallet me me popujt e Ballkanit Perëndimor duke e shtyr pa fund e pa
kuptim anëtarësimin e vendeve të Rajonit tonë.
Në
Gjermani enkas është formuar gjeopolitikisht një strukturë e pavarur e quajtur
“Iniciativa Evropiane për Stabilitetit” në krye të sëcilës qëndron themeluesi I
saj-gjemani Gerald Knaus. Me 16 Shtator 2021, është diskutuar integrimi në BE I
Ballkanit Perëndimor. Sipas mendimit të Z.Knaus, BE-ja duhet t'a ofroi
Ballkanin Perëndimor me një qëllim tërheqës që në një mënyrë mundet ta quajmë
nanëtarësimin e Ballkanit Perëndimor në tregun e vetëm të saj, me qëllimin që
besimi dhe ndikimi i BE-së në këtë Rajon të rikthehet.
Në
fakt kemi një shembull të përafërt me problemin aktual të Ballkanit Perëndimor,
më 1990, Finlanda dhe Austria u dakordësuan të bashkoheshin me një treg të
vetëm përmes Zonës Ekonomike Evropiane dhe kjo u realizua përpara se të
bëheshin anëtare të plota në këtë treg. Më tej vërejmë se edhe Turqia si pjesë
e Ballkanit, ka negociuar gjatë me BE-në për anëtarësimin e saj, por asgjë deri
më sot duke lënë një shije të hidhur në popull e në politikën zyrtare të saj.
BE-ja duhet të ketë ndikimin të konsiderueshëm në Turqi sepse është fuqi e
madhe ekonomike në Ballkan, por mendimi Ankaras zyrtare është shumë skeptik aq
sa ka deklaruar se, Turqia nuk do të bëhet asnjëherë anëtare e BE-së si pasojë e
mos dëshirës së BE-së. Kështu të duket se BE-ja nuk ka ndërmënd të meret më tej
me Ballkanin Perëndimor përfshi edhe Turqine si pjesë e këtij Rajoni.
Vëndet
e Ballkanit Perëndimor edhe pse janë futur thellë në reforma të dhimbshme,
përsëri BE-ja po e shtyr pa fund anëtarësimin e tyre duke nxjerr aresye të kota
apo nacionaliste. Kjo ka bërë që vëndet e këtij Rajoni të humbasin besimin tek
BE-ja. Zvaritja pa fund e BE-së për anëtarësimin e Ballkanit Perëndimor, po bën
që në këtë Rajon të rritet influence kineze, turke pse jo edhe ajo ruse, ndaj
këtu kërkohet që BE-ja të bëj strategji shumë të hollë diplomatike për këtë
Rajon.
Realisht
Ballkani Perëndimor ka mjaft problem, administrata e Bidenit kërkon që të
ringjallë politikat transatlantike në vendet e Ballkanit Perëndimor, por që
realisht kjo ide e Presidentit Amerikan sot pëballet në me institucionet
publike të dobëta, me korrupsioni, me krimin e organizuar të këtij Rajoni. Në
këto rrethana tre vënde të Ballkanit Perëndimor duke parë se qasja e BE-së nuk
është në favorin e këtij Rajoni dhe po neglizhon pa arsye, Shqipëria-Maqedonia
e Veriut dhe Serbia, kanë vendosur për treg të përbashkët gjithnje bazuar në
Proçesin e Berlinit. Kjo iniciative tashmë quhet shqip-Ballkan I Hapur. Para
një klime aspak opitimale për këtë Rajon, SHBA duhet të jetë më shumë aktive në
mbështetjen e perspektivës europiane të vëndeve të Ballkanit Perëndimor dhe së
bashku SHBA & BE, të bëjnë që perspektiva europiane në këtë Rajon të
kthehet në realitet. Fakt është pengimi i Maqedonisë së Veriut nga Bullgaria,
gjë që tregon se BE-ja nuk është në gjëndje që të funksionojë në unison. Dakord
për anëtarësimin e Maqedonisë se Veriut janë 26 vende, Bullgaria nuk është
dakord dhe kjo do të thotë se situate nuk zhbllokohet dot. Tashmë ka arritur
një moment që vendet e Ballkanit Perëndimor nuk kanë se çfar të presin dhe bënë
realitet bashkëpunimin ballkanik nën paktin Ballkan I Hapur. Vëndet e Ballkanit
Perëndimor nuk kanë më besim në perspektivën europiane si pasojë e neglizhencës
së BE-së, ndaj Ballkan I Hapur është e vetmja rrugë që të ringrejë ekonominë e
Rajonit tonë. Bashkëpunimi rajonal, tregu rajonal, levizja e lirë e kapitaleve
dhe ajo e njerëzve, pa dyshim do ta ngrejnë ekonomine rajonale dhe do të zbusë
e do të eliminojë problemet dhe grindjet gjeopolitike në mesin e gjashtë
vëndeve të ballkanit Perëndimor.