Kulturë
Remzi Limani: Zërat që pikojnë këndshëm
E diele, 26.09.2021, 10:31 AM
Pak fjalë për poezinë e Syhejl Havollit
ZËRAT QË PIKOJNË KËNDSHËM
Poeti
në fjalë, mirret ngrykas por, edhe kacafytet me momentet nëpër të cilat
përbirohet njeriu, për të kapërcyer mbi ngritjet e barrikadave të jetës, me të
cilat takohemi të gjithë ne. Mbi këtë aksiomë, poeti nxerrë thirrmat e
njerzillëkut, për ta kuptuar edhe të pakuptueshmën, e cila porsi një fugë
fëmijësh sillej përreth nesh
Shkruan:
Remzi Limani
Sikurse
në librin "Maratona e këngës" dhe "Kënga e munguar", poeti
rrah kambanat e një lirike të përqëndruar brenda tij dhe përrerh nesh, duke e
shpalosur jetën, dhembjen dhe dashurinë si proces i vetë dhembjes, e cila
atakon çdo njeri nëpër shtjellat e kohës, që në vetvete nxjerrë gjëmat e zërave
që pikojnë nga çatitë e shirave të luleve, të ëmbël dhe të hidhur, krejtësisht
të pastër dhe real, sikurse vjershërimet e shtruara në librat e përmendur, të cilët
sapo i shfletova dhe jap kumtin e një oguri të bardhë në fushën e poezisë
moderne. Pra, horizonti i vjershërimit të z. Havolli, pa dyshim, na jep një
pamje lucide, për ta kuptuar esencën dhe procesin e një kimie mendore të
stërholluar dhe të gatuar nga lotët, dhembja, dashuria, si trion i pjekur në
mendjen krijuese, e cila zbrazej nga mbushja nëpër kohë dhe momente ndër më të
ndryshmet, me të cilat Syhejl Havolli, mirret ngrykas por, edhe kacafytet me
to, për të kapërcyer mbi ngritjet e barrikadave të jetës, me të cilat takohemi
të gjithë ne. Mbi këtë aksiomë, poeti nxerrë thirrmat e njerzillëkut, për ta
kuptuar edhe të pakuptueshmën, e cila porsi një fugë fëmijësh sillej përreth
nesh. Pra, poeti respektiv, Syhejli, i këndon jetës dhe të bëmave... , sikur në
një procecverbal, i fut dëshmitë e ndjenjave dhe rrokullisjet e gurëve, që herë
- herë bëhen gurë Sizifi, herë - herë i bluan në barkun e tij dhe i prezanton
si produkte të mendjes krijuese, sepse, dhembja nxjerrë lotin prej guri.