Kulturë
Sevdail Hyseni: Dozat vaksinore
E marte, 14.09.2021, 04:47 PM
Sevdail Hyseni
Satirike
Dozat vaksinore
Kur morëm vaksinën
Të parën me rend,
Sa fort që u gëzuam
Nuk e merr me mend!
Mirëpo, kjo “Korona”
Na qenka tinëzare,
-Si shurra e pulës
Nuk na duket fare !
Na thanë kompetentët
E shëndetit publik,
Ta shtojmë dhe një dozë
Për t’mos pasur frikë !
Vazhdon vaksina
E tretë e vërtetë…
Vraponi o njerëz
Mos luani me jetë!
Na duhet shëndeti
Mos kurseni shumë,
Përndryshe na rruan
Dreqi pa sapun !
Sa për imunitet
Me këtë politikë,
Sikur rrip daulli
U bëmë elastikë !
Qytetarët e trembur
Pyesin me trishtim,
Dozat vaksinore
A do t’kenë mbarim ?!
Seç i rrudhën supet
Mjekët me paterica,
-Thanë sa t’na baje
Me nder prapanica !
(Karikatura
marrë nga interneti)
Komentoni