Kastriot Dervishi: Aty ku mungon Amerika, mungon edhe siguria

Kur mungon Amerika

Nga Kastriot Dervishi

Pamjet e sotme të Afganistanit më kujtojnë situatën tragjike të shqiptarëve në vitin 1946, kur u largua misioni amerikan nga Shqipëria. Ndonëse nuk janë situata të tërësisht të ngjashme sepse në Shqipëri nuk kishte ushtri amerikane, prania e misionit shihej si shpresë se diçka ndryshe mund të bëhej. Pas largimit të misionit në nëntor 1946, të gjithë ata që mendoheshin si proamerikanë, që ishin takuar qoftë edhe rastësisht punonjës të tij (misionit), kaluan në procese të tmerrshme penale. Shumë u pushkatuan, vdiqën në hetuesi, burgosën apo i internuan. Aty ku mungon Amerika, mungon edhe siguria.