Editorial
Fazli Maloku: "Dykëmbëshat" Shqiptarë Muslimanë Kokën në Stamboll e Bythën n'Evropë
E marte, 27.07.2021, 08:06 PM
"Dykëmbëshat" Shqiptarë Muslimanë Kokën në Stamboll e Bythën n'Evropë
Nga
Fazli Maloku, Prishtinë
Propoganda
e fuqishme për festat fetare muslimane në gjithë trojet shqiptare e përcjellur
në mënyrë euforike nga mediat shqiptare si ato elektronike edhe të shkruara,
duke e krijuar në sytë e botës një klimë të rreme se Shqipëria, Kosova e trojet
shqiptare janë një filialë e Turqisë, të cilat janë futur si "mish" i
egër në Ballkan e në Evropë, nuk sjellin dobi për shqiptarët e të mos flasim
për zhvillimet shumë drejtimshe të civilizimit botëror në shekullin 21. Kjo
eufori e shfrenuar doli në sipërfaqe menjëherë pas luftës së fundit në Kosovë
dhe çlirimit të saj nga Dalëzotësja Ushtria Çlirimtare e Kosovës. Lufta e
UÇK-së nuk ishte luftë fetare, por thjesht popullore çlirimtare. Ndërtimi i
qindra xhamive në Kosovë duke mbuluar fshatra e qytete, bile edhe aty ku nuk
kishte fare banorë adhurues të xhamisë, kishte dhe ka edhe sot qëllimin final
që e ceka më lart. E gjithë këtë marifet qeveritë shqiptare Tiranë-Prishtinë e
kalojnë në heshtje! Arsyeja dihet. Nuk dëshirojnë ti humbin votat e kësaj turme
"Dykëmbësha"shqiptarë muslimanë. Si mund të shpjegohet fakti që
përcollën mediat e Tiranës se "Kurban Bajrami, nuk u fal në xhaminë e
madhe të Tiranës, por në Sheshin Skenderbe?! Është edhe një dukuri tjetër
mjaftë e shëmtuar kur gazetarucët tanë që i kemi me bollek, kur raportojnë nga
ndonjë pjesë e qyteteve shqiptare, kamerat i vendosin përballë xhamive minaret
e të cilave arrijnë lartësinë dhjetëra metra. A mund të jetë edhe kjo rastësi?!
Asesi jo. Në luftën për tu përballur me këtë vërsulje të shëmtuar të islamit agresiv,
do të duhej të dilnin në rend të parë prijësit dhe predikuesit e fesë islame në
gjithë trojet shqiptare. Por, edhe qeveritë shqiptare nuk do të duhej të
qëndronin duke u bërë se nuk po shohin asgjë. Drejtuesit e islamit agresiv
shumicën e aksioneve i realizojnë në heshtje të plotë, por me mjeshtri plasojnë
edhe iniciativa problematike siç është rasti i shamive në shkolla! Një problem
që fare nuk ekziston as për tu diskutuar. A do të thotë kjo që sipas
"turmës" famra shqiptare myslimane e paska arritur nivelin e duhur të
emancipimit të saj në shoqëri dhe paska mbetur vetëm edhe shamia për nxënëset
shqiptare myslimane që do të duhej të përdoreshin jo vetëm në shkollat fetare
por edhe në ato laike. T'ua përkujtojmë "turmës" se virtyti i femrës
shqiptare nuk është rezultat i veshjes që ato mbajnë në trupin e tyre, por në
edukatën kombëtare e njerëzore civilizuese, në karakterin dhe moralin e tyre.