E premte, 29.03.2024, 09:38 AM (GMT)

Vërtetësi

Kastriot Dervishi: Shqiptari i Kosovës që vuajti 15 vjet burg në ferrin e regjimit terrorist të Enver Hoxhës

E enjte, 08.07.2021, 05:44 PM


Shqiptari i Kosovës që vuajti 15 vjet, 1 muaj, 10 ditë burg në ferrin e regjimit terrorist të Enver Hoxhës

Nga Kastriot Dervishi

Nazmi Ahmet Berisha, lindur më 20.12.1938 në Batllavë të Llapit në Kosovë, erdhi në Shqipëri në vitin 1960 nëpërmjet lumi Buna, kur ishte vetëm 22 vjeç, për t’i shpëtuar gjenocidit serb, si dhe i ndikuar nga propaganda komuniste që thoshte se në Shqipëri ishin arritur standarde të larta jetese. Pas dy muajsh në Shijak te shtëpia “e kosovarëve” (ku bëhej dajaku i parë ndaj tyre), e çuan në Çermë të Lushnjës (ku bëhej një diskriminim tjetër i specializuar ndaj shqiptarëve të Kosovës).

Nazmiu vuajti dy dënime për arsye politike, në vitet 1962-1972: 10 vjet, 1 muaj, 10 ditë dhe 1975-1980: 5 vjet, 0 muaj, 0 ditë, në repartet nr.321 Burrel, nr.307 Rubik dhe nr.309 Ballsh. Për fat të mirë la kujtimet e tij. Midis të tjerash e tregon kështu ferrin hoxhist, të cilin edhe e ka ilustruar me një skicë:

“Më lidhnin me hekura në karrige dhe kjo e ngujuar në beton. Më rrihnin me grushte. Më binin me tehun e shuplakës së fyt. Dhe kur lodheshin vetë thërrisnin të tjerë që të vazhdonin goditjet kundër meje. Më linin pa gjumë me net të tëra. Më linin pa ujë, pa ushqim, më dërgonin në birucë ku s’mund të lëvizja sepse vinte roja e më rrihte me një teknikë allaturka, më dërgonte prapë në banjën e çimentos ku më lidhte me hekura gjermani”.

(Pjesë e historive të shqiptarëve të Kosovës të cilët vuajtën burgime të gjata nga regjimi i E.H).

__________

Një përmendore në Prishtinë

Prishtina duhet të ngrejë një përmendore kushtuar shqiptarëve martirë të Kosovës që u vranë, keqatrajtuan, burgosën dhe internuan në Shqipëri nga regjimi antikombëtar i Enver Hoxhës. Kjo do t’i shërbente jo vetëm kujtesës historike por edhe luftimit të antikosovarizmit që regjimi enverist mbolli në Shqipëri.

Janë regjistruar shifra të frikshme për individë që kanë vuajtur deri në 36 vite burg. Në një të ardhme duhen skalitur edhe emrat e atyre që u ra për rrisk ta vuanin një trajtim të tillë sa të padrejtë aq edhe të poshtër.



(Vota: 3 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora