E premte, 29.03.2024, 03:06 PM (GMT)

Kulturë

Vahit Nasufi: Nexhmije Pagarushës

E diele, 13.06.2021, 10:13 AM


Vahit Nasufi

NEXHMIJE  PAGARUSHËS

Në shej kujtimi të përjetshëm

Qielli muzikor kosovar,

Është plot me yje këngëtarë,

Të përmasave botërore,

Me shumë vepra kulturore...

Këta vargje që i kam rreshtuar,

Një ëmbleme ia kam kushtuar,

Sopranos sonë kosovare,

Nexhmije Pagarushës - këngëtare.

N`fshatin Pagarushë t`Malishevës,

Lindi mbretëresha e skenës.

N`vitin 1933, më shtatë maj,

Kjo datë është ditëlindja e saj.

Një foshnje e bukur si lule diellli,

Nga nënë Sahidja, babë Veseli.

Në një familje shumë bujare,

Me vlera t`larta kombëtare...

Siç tregoi Nexhmije Pagarusha,

Katër vjet tha - sa i mbusha,

Ndërroi jetë nëna ime,

Shumë e vogël, mbeta jetime!

N`duart e njerkës Nexhmia mbet,

E deshti shumë, si nënën e vet!

Edhe njerka mirë e trajtoi,

Si vajzën e vet e konsideroi!

Ishte e ndershme dhe bujare,

E kishte edukatë familjare,

Sa i takon pamjes saj fizike,

Ishte shumë simpatike...

Kjo soliste, një zojnë hyjnore,

Ishte e madhe dhe si aktore,

Këndoi  n`koncerte e festivale,

Aktroi n`filma dhe skena teatrale...

Nexhmija jonë, gjatë tërë jetës,

Mori një mori epitetesh,

Që e çuan n`piedestalin më të lartë,

Si "Bilbili i Kosovës", Fyti i Kristaltë"...

Është vlersuar me shumë çmime,

Dekorata dhe shpërblime,

Një çmim t`veçantë si i tempullit,

"Këngëtarja e Shekullit"!

Por, më 7 shkurt 2020,

Ikona e këngës ndërroi jetë,

Ndërroi jetë për t`mos vdekur,

N`zemrat tona e gjallë ka mbetur.

E kishte lënë me amanet,

Të varroset n`vendlindjen e vet,

Amaneti saj u realizua,

N`Pagarushë me lule u mbulua.

Shumë e dashur artistja jonë,

Prehu në paqe n`panteon,

Për ty do t`fliet, do t`këndohet,

Emri yt kurrë s`harrohet.

Këngët tua do t`na e shtojnë mallin,

Se si Baresha e dridhte malin,

Me ty skenës i kishte hije,

Nuk lind më nëna tjetër Nexhmije!

Kërçovë, qershor 2021



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora