E enjte, 28.03.2024, 10:02 PM (GMT)

Kulturë

Adem Berisha: Te bashkuar, përjetësisht e gëzofshim 28 Nëntorin

E premte, 28.11.2008, 03:59 PM


Adem Berisha

TË BASHKUAR, PËRJETËSISHT E GËZOFSHIM  28 NËNTORIN

 

Nga Adem Berisha

 

Urimet e mia të mëposhtme së pari dëshiroj të ia drejtoj stafit drejtues të web sit-it zemrashqiptare.net si dhe gjithë atyre qe me shkrimet e tyre këtu, japin kontributin e çmuar gjithënjë në favor të çështjës kombëtare shqiptare e popullit dhe atdheut prandaj po vazhdoj:

Jam i lumtur që kam nderin dhe kënaqësinë e veçantë që më jepet mundësia e urimit dhe përgëzimit me rastin e Festës së Madhe, Ditës së Flamurit kombëtar Shqiptar, 28 Nëntorit.

Është ndjenjë e veçantë kënaqësie të iu drejtohesh gjithë vëllazërve e motrave shqiptare në atdhe dhe në mërgim, anë e mbanë globit për të iu përcjellur urimet më të sinçerta e më të përzemërta.

Njëherit, uroj që Flamuri kombëtar Shqiptar me shqiponjën e lavdishme dykrenare, pa humbur shumë kohë, të jetë edhe flamuri shteror i gjithë shqiptarëve në gadishullin ilirik, padrejtësisht të ndarë dhe vendosur në gjashtë shtete e të cilët në çdo anë kufizohen me njëri tjetrin.

Me besimin e plotë se do të jem vetëm i mirëkuptuar, dëshiroj që këtë festë veçanërisht të iu uroj edhe gjithë femërave, bijave, motrave e nënave shqiptare të cilat në të gjitha kohërat kanë dëshmuar se për popullin e atdheun e tyre, vërtetë janë edhe zana mali kurrë të pamposhtura e në çdo kohë të gatshme për tu flijuar kurdo që këtë e kërkon populli e atdheu.

Shembuj të tillë tek gratë shqiptare ka me bollëk ndaj hëëëëë, po të mos ishte xhelozia, e gjithë bota do të iu kishte lakmi. Konstatoj se në favor të këtij konstatimi janë edhe vargjet e poezisë “Krenohu, ke përse” :

 

 

KRENOHU, KE PËRSE

 

Kush shkëlqeu ndër shekuj,

kush qe edhe në maje të fronit,

kush ish si tempull mbi tempuj

bija e Ilirisë, Teuta e Agronit.

 

E kush si Elena Gjika,

kush si Nora e Kelmendit,

kush si Shotë Galica

shton krenarinë e vendit.

 

Kush si Ganimetja

e kush si Marie Shllaku,

kush si Xhevë Ladrovci

për atdhe derdhë gjakun.

 

Kush edhe në mergim vepron

komb e atdhe për të ndihmuar,

Kozeten e Almën asgjë s’i ndalon

çështjen e shenjtë për të lartësuar.

 

Kush me këto zana të malit

mund të mos krenohet,

kush sot kozetave e almave

mund të mos iu gëzohet?!.

 

                     Me gjithë atë moral të lartë

që iu kishte dhuruar jeta

këto  bëjnë punë të artë

shkëlqejnë me veprat e veta.

 

Ato janë ndër më të shëndoshat, më të dëlirat dhe më të mirat e globit ndaj edhe për këtë flet edhe strofa e poezisë “Mos braktisni vlerat tuaja” :

“. . .

Bukuroshet që ne kemi

sa të shëndosha sa të dëlira,

pa të dashur mos i leni

se të huajat s’janë më të mira”.

 

Nuk ka se si të mos krenohet një popull që ka lindur dhe rritur sokolesha si ato të potencuarat më lartë por edhe si nënën e madhe, nënën e botës, - Nëna Terezën.

Në mbështetje të këtij urimi, nëse do të më lejohet, për kënaqësinë e gjithë lexuesëve të ZSH, po vendos këtu edhe poezinë e mëposhtme :

 

 

NDARJE QË SHËMTON

 

Atëbotë, Zoti nuk të fali të gjymtuar

por të stolisi si një krijesë hyjnore

që i tëri të jetosh i bashkuar

shpinë për shpine e kapur dorë për dore. 

 

Por, diçka e trishtë shpirtrat trazon e

si ëndërr e keqe, diç të mirë nuk thotë,

forcërisht  në gjoks zemrat  shtrëngon

e fytyrat engjëllore don të lajë në lotë.

 

Të kishin larguar nga logu i kuvendit

e për  ty, së prapmi pa ty flitej,

të bënë  edhe tabu të kohës e vendit

e flamurin të ndaluan të valëvitej.

 

Të vranë, të dogjën, të sakatuan...

kushdo që zgjohej më i pari,

si bishat pamëshirshëm të copëtuan

vetëm pse kishe mish e gjak shqiptari.

  

Ndalem, mendoj dhe pyes vetën

mbase , nuk jam duke kuptuar ?!

si të tjerët pse të mos e kesh jetën

vallë, edhe  me këtë duhet pajtuar?!

 

Jo, jo! shëmtimin nuk ke për të duruar

e përbindësha nuk do të ketë këtupari,

si vëllezër e motra keni për të bashkëjetuar

Ti, Ibri, Buna dhe Vjosa e Vardari.

 

Dhe, ky vend prapë do të bëhet ILIRI

e me ty më kurrë nuk do të abuzohet,

do të jetosh me dinjitet e krenari

në trojet e tuaja ku lirshëm do të frymohet.

 

Të jetosh i denjë si e gjithë njerëzia

këtu ku me shekuj ke varret e të parëve,

për çka e di kjartë edhe parahistoria

ç’ prej se këtu nuk vinte erë e barbarëve.

 

Në këtë tokë që Zoti e kishte krijuar

e për Zot të sajë vetëm ty të caktoi,

këtë at-mëmëdhe të shenjtë e të bekuar

që ndër shekuj me ty bashkëjetoi.

   

Kush misionin e shenjtë nuk ndihmon

që penën e pushkën tok  t’i bashkojë

e At-Mëmëdheut veten nuk i kushton

përjetësisht kjo tokë do të  mallkojë.

 

 

Me falënderimin për kohën e çmuar të gjithë lexuesëve të cilën ia kushtuan këtij shkrimi, edhe një herë nga zemra JU përshëndes të gjithëve.

Adem Berisha, Rahovec – Republika e Kosovës martire, kurrë të gjunjëzuar.



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora