Neki Lulaj: Zgjohu, dardan!

Neki Lulaj

Zgjohu, dardan!

Zgjohu dardan

Hidhi supet e kaltra

Midis krahëve të diellit

Se po rrudhet Dardania!

Dil nga zemra e lëkura gurit

Të Velanisë

Se hienat

Po e brejnë e pickojnë  testamentin.

Ktheje rugovizmin si e le

Tregoju mëkatarëve

Se dashuria e brezave

Është ta ndërtojmë Lirinë!

Zgjohu, dardan i zgjuar

Me shallin rreth qafe!

Për simbolin shekullor të robërisë

Lësho kushtrimin

Me fjalën prush mblidhi

Kokat e kombit

Largo mendjet e kalbura

Akejt që janë kacavjerrë trungut

Qortoji të gjithë

Mashtruesit e dakadave ushunjëzat

Që gojën e patën plot rugovizëm

E këmishat stalinizëm!

Zgjohu se krushqit e rremë

Me gishta halash

Bërrylave të stuhive

Po ja vrasin ëndrrat e rinisë

Zgjohu!

Mars 2021