Sevdail Hyseni: Vikendi festiv

Satirike

Vikendi  festiv

Ky vikend i shkurtit

Na vjen me fitore,

Me Shën Valentinin

Dhe votat zgjedhore!

Askujt s’i ka shkuar

Në mend asnjëherë,

Se brenda një nate

Do t’puthim dy herë!

Një për këtë festën

Më të dashur n’botë,

E tjetrën për zgjedhjet

Që na sillen rrotë…!

A s’jemi një shoqëri

Me politikanë arushanë,

Që për një plesht

Të djegin jorganë?!

Harxhojmë energji

N’debate e mbledhje,

Brenda një mandati

I mbajmë disa zgjedhje!

Sa para shpenzohen

Nuk e merr me mend,

Në luftën pa fund

Për një grusht pushtet !

Po sikur këtë prirje

Ta kishim krejt drejt,

Ndryshe do të ishim

Edhe ne si shtet?!

Sevdail Hyseni

(Karikatura marrë nga internet)