Mendime

Selim Hasanaj: Nëngurra e Istogut (V)

E merkure, 26.11.2008, 03:24 AM

NENGURRA E ISTOGUT

(Monografi për fshatin)

FAMILJA SI FORMË E JETES KOLEKTIVE

Nga faktoret shoqëror që kan luajtur rrol të rendsishem në jeten e fshatarit të Kosovës , Rugovës dhe Malësisë ose pjesës veriore të Shqipërisë zën vend FAMILJA , FISI dhe BAJRAKU . Këto institucione në Rrafshin e Dukagjinit nuk kanë shumë dallime nga krahinat e ndryshme të kësaj treve . Dhe sa i perket organizimit të familjes ka një skemë të perbashket jo vetem kudo në Kosovë por edhe në Maqedoni , Mal të Zi , Shqipëri si dhe te arvanitasit në Greqi .

Familja në Istog dhe rrethinë si dhe më gjerë edhe deri në ditet më të reja ishte dhe është patriarkale megjithëse në vitet 1980-1990 pat fillua procesi i shendrrimit të saj në familje bashkohore . Burri është kreu i familjes dhe ai pyetet dhe vendos per cdo gjë . Dhe pasi kjo është dukuri e pergjithshme e patriarkalizmit shqiptarë neper të gjitha trevat shqiptare unë nuk do të ndalem shumë në shqyrtimin e pergjithshem të tij por do ti shikojë këto institucione nga aspekti i vecorive me të cilat ato dalin në fshatin Nengurrë . Në Nengurrë pothuajse deri në luften e fundit të NATOs kunder forcave pushtuese serbe kishte familje të mëdha në të cilat jetonin së bashku në bashkësi familjare disa kuror vëllëzër ose nipa të martuar e me fëmijët e tyre e në shumë raste edhe këta të martuar . Deri para pak vitesh familje të tilla në fshat ishin Sadri Veselt ( Osaj ) , Sali Bajramt ( Sejdijaj ) , Halil Januzt ( Haziraj ) , Isuf Nezirt ( Idrizaj ) , Hysen Murat ( Idrizaj ) , Ali Shabani ( Lajqi ) , Zekë Smajlt ( Hasanaj ) , Djemt e Rexhep Shabanit ( Kadaj ) , Qazim Zeqiri , Selmon Asllani ( Idrizaj ) , Zeqë Arifi ( Pepaj ), Djemt e Isuf Kadrisë ( Pepaj ) , Djemt e Halil Imerit ( Zeqiraj ) , Djemt e Isuf Brahimit ( Januzaj ) , djemt e Selim Zeqirit ( Januzaj ) etj ,etj .

Familja më e madhe deri në fund të viteve 1970 ishte ajo e Sadri Veselve ( Osaj ), pastaj ajo e Halil Januzve ( Haziraj ) etj, etj . Mirpo per studimin e familjeve të mëdha nuk është i rendsishem numri i antarëve sa është i rendsishem numri i hiseve apo qifteve bashkshortore . Ndryshe janë mardhenjet dhe atmosfera në një familje me 11 antarë ku janë burri e gruaja me 9 fëmijët e tyre e ndryshe në familjen me më pak antarë por që perbëhet nga vëllëzër të martuar dhe sejcili ka nga një apo dy fëmijë . Kjo per arsye se afiniteti dhe afersia në rastin e parë bazohet në gjini gjaku dhe në dashurinë reciproke të fëmijve dhe prindve ndersa në rastin e dytë familja është e kompozuar nga elemente të huaja sepse kunatat janë element i ardhur dhe afersia e fëmijve të vëllëzërve nuk është e njejt sikur në rastin e parë . Kompaktsia në tipin e dytë të familjes më shumë bazohet në autoritetin e Kryefamiljarit , por gradualisht interesi ekonomik në familjet e mëdha vjen duke u individualizuar dhe me këtë edhe autoriteti i Kryefamiljarit duke u zbehur që edhe sjell më në fund deri te shkëputja e bashkësisë familjare . Në rast të shkëputjes së bashkësisë familjare sejcili nga hiseniket merr pjesen (hisen) e vetë të patundshmërisë të trashëguar brez pas brezi si dhe pasurinë e gjës së gjallë ; lope , kuaj , dhen etj ,etj . Më perpara diku deri në fillim të viteve 1960 në lagjen e Januzajve në Lluga ka egzistua tipi i familjes së ndarë . Rasti i Sokol Nekes i cili jetonte në bashkësi familjare me vëllëzërit Hasan dhe Hysen Isa Januzaj të cilet i kishte kushërinjë të parë dhe njëkohësishtë kishte edhe prona e pasuri në fshatin Isniq të komunës së Deqanit . Por kjo filloi të riperseritet edhe në fund të viteve 1970 dhe ato 1980 kur u arsimuan gjeneratet e para universitare të fshatit dhe u punsuan neper shkolla dhe institucione të Istogut , Pejës , Prishtinës etj , etj . por edhe shumë nga ata që shkuan me punë të perkohshme në boten e jashtme zakonisht në Austri , Gjermani , Slloveni , Kroaci , Zvicerr etj, etj . por gjithmonë me rrenjë dhe kontribut ekonomik në fshat së bashku me pjesen tjeter të antarve të familjes që aty jetonin . Këto familje unë po i quaj familje pjesërishtë të ndara . Rastet e para të këtyre familjeve në kohen më të re po permendi Mustafë Hajdin Hasanaj , Skender Rexhep Kadaj , Vesel Ramush Osaj , Selim Mustafë Hasanaj , Haxhi Halil Haziraj , Arif Halil Zeqiraj , Osmon Shaban Lajqi , Haxhi Ramë Lahaj , Selim Sadri Idrizaj , Ali Sadik Cetinaj , Canë Selim Januzaj , Sadik Ramush Osaj , Xhemajl Ali Osaj , Mustafë Ali Osaj Jusuf Ramush Cetinaj , Sylejmon Ali Osaj , Nezir Januz Pepaj , Imer Januz Pepaj , Halil Januz Pepaj , Nezir Nimon Kadaj , Rrustem Ukë Pepaj , Hajdar Brahim Pepaj etj etj . që shkuan të punojnë në boten e shteteve të Evropës Prendimore si dhe fakulltetlinjët e parë të fshatit Demë Ali Topalli dhe Isa Hasan Januzaj të cilet në fillim u punsuan në Istog por pas një kohe u shperngulen në Prishtinë por kurr nuk u shkëputen me prona dhe pasuri të patundshme nga fshati i tyre i lindjes .

Familja e madhe patriarkale si kudo në trojet shqiptare edhe në Nengurrë kishte rrol të posaqem në zhvillimin ekonomik dhe shoqëror në të kaluaren dhe ishte hallkë e fortë në zingjirin e institucioneve tjera shoqërore sikur se janë ; vëllëzëria , fisi e bajraku , per ruajtjen e sigurisë , pasurisë dhe integritetit familjarë , por edhe të dokeve e zakoneve dhe tipareve tjera kombëtare . Këtu vlen të permendim familjen e madhe të viteve 1920-1965 të Sejdi Zenun Pepajt i cili jo vetem se ishte mbrojtës i familjes së vet dhe fisit por edhe i tër fshatit nga gjandaret gjakpirsa të shkinisë të cilve u prinin Milic Kerrsta dhe Rale Vulici në kohen e Mbretnisë Serbo-kroato-sllovene si dhe pas LDB-së dhe pushtetit sllavo-komunist të Josip Broz Titos . Familje e fortë me karakter dhe strategji kombëtare sikur kjo e Sejdi Zenunit ishte edhe familja e Bicajve të Vrellës e vëllëzërve Ramë , Smajl e Tahir Ali Bicaj , por edhe në Nengurrë ishin ajo e djemve të Mursel Cetinës , e djemve të Isuf Cetinës , e djemve të Selim Zeqirit në lagjen e Januzaj , e Sali Bajramve në ate të Sejdijave të lagjes së Kodres , e Sadri Veselve – Osaj , e Kadajve , e Smajl Imerve , e Halil Januzve , e Rugovëve etj, etj.

Pra organizimi i jetës në formen patriarkale të familjes ndihmonte edhe në organizimin vetëmbrojtës dhe në rezistencë kunder pushtetit okupues serbo-sllav .

Mirpo me zhvillimin ekonomik dhe zhvillimin e infrastrukturës së fshatit ngadal fillojë të humbas mënyra e organizimit të familjes të tipit patriarkal . Tani vec fillon mënyra moderne e jetesës së familjes dhe kjo edhe sjellë deri të shkëputja e bashkësive familjare nëper familjet e mëdhaja .

Pas luftës së dytë botrore shkëputja e bashkësisë familjare u bë pothuaj gjë e zakonshme , ndersa dikur më heret kjo gjë konsiderohej si fatkeqësi , turp dhe shkelje e traditës shekullore .

FISI

Fisi në Istog dhe rrethinë duke perjashtuar fshatrat e anes lindore të Istogut ose të ashtuquajtures Mivadës pothuaj se nuk luan ndonjë rrol të posaqem së paku jo në at shkallë sikur në viset e Shqipërisë Veriore dhe me siguri per arsye se pothuaj kudo neper Kosovë fisit i mungon hapsira fisnore pra gjinia e gjakut dhe teritori i perbashket . I mungon teritori i perbashket per arsye se fiset janë të shperndara neper shumë fshatra dhe jetojnë në afersi me fiset tjera . Mirpo në Nengurrë janë pesë lagje që janë të një fisi dhe të një gjaku ; 1. Lagjëja e Smajl Imerve – Hasanaj , Krasniqe me fis , 2. Lagjëja e Kadajve - Thaq me fis , 3. Lagjëja e Pepajve – Shalë me fis , 4.Lagjëja e Kodres ose Shala e Eperme - Shalë me fis , 5. Lagjëja e Rugovëve , Laiq –Kelmend me fis , 6. Lagjëja e Januzajve - Shalë me fis dhe 7. Lagjëja e Halil Januzve – Krasniqe . Është per të cekur se lagjen e Pepajve me ate të Kodres i ndan në mes veti prona e Sadri Veselve – Osaj që me fis janë Berishë . Mirpo pos këtyre lagjeve që janë të një gjaku dhe fisi në fshat ka edhe familje tjera të fiseve tjera si p.sh. Kadri Haxhi Vuthi – Kelmend , Ramë Tahir Alia – Kelmend , Islamajt në mahallen e Pepajve që janë Thaq , familjet Meshi Thaq si dhe familja Duraku …… Por perkunder faktit se popullata e fshatit është nga disa lagje dhe disa fise unë nuk mbaj mend dhe as që kam dëgjua nga më të vjetrit që këtu e së paku 150 vjet më parë në fshat të ketë ndodhë ndonjë ngatrresë apo eksces në mes tyre . Bile bile vlen të ceket se per shembull Pepajt shumë më shumë afrohen dhe kan kontakt fqinjsor me Rugovet , Halil Januzet , Kadajt e Smajl Imeret se sa me kusherinjët e vet të Shales së Kodres apo me Januzajt .

Por tani po i këthehem pak lagjeve me radhë . Kadajt janë Thaq dhe me mburrje thonë se janë kusherinj me Currajt e Llukafcit të Begut . Duket se fillimisht nga familja Kadaj në fshat nifeshin vëllëzërit Tafil , Vesel dhe Kadri Kadaj . Tafili kishte djemet : Nimonin , Shabanin dhe Bajramin . Veseli Kishte Aliun ndersa Kadriu kishte Haxhiun . Nimoni la djemet Rrustemin ( zhduk pa gjurmë në Kullen e Popit ) dhe Nezirin . Shabani la Rexhepin ( ishte Kryetar komunje dhe u vrae në Vrellë ) , ndersa Bajrami la Mustafen .

Smajl Imer – Hasanajt janë Krasniqe dhe të ardhur nga Jabllanica e Madhe nga ku së pari ishin shperngullur në Katundin e Ri të Pejës per shkak të zullumit që u behej nga pushteti Osmon në krye me Asllan Pashen e Pejës të cilin panderpre e luftonte Mustafë Hasani i famshem , por pas ca viteve u desht të shpernguleshin edhe nga Katuni i Ri per shkak se nipi i Mustafë Hasanit , Ali Tem Hasanaj i shkallmoi me dru disa kolonista gjakpires malazez të fshatit dhe errdhen në Nengurrë si duket me ndihmen e miqve të vet Kadaj por edhe të Cetinajve , dhe pra Hasanajt janë kusherinjë të parë me Maksutajt , Musë Sefert e Zekajt e Jabllanices së Madhe por edhe me Bajram Rrustemt e Katundit të ri dhe Gjocajt e Halitajt e Tomocit . Si kusherinj i konsiderojnë edhe Halil Januzët që poashtu janë të ardhur nga Radafci ndersa per Bajraktar të fisit e pranojnë Bajraktarin e Krasniqes së Vranocit të Lugut të Baranit , por edhe mburren se janë kushërinjë të Haxhi Zekes , Bajram Currit , Mic Sokolit etj , trima kombtarë të fisit Krasniqe . Per gjenealogjinë e familjes Hasanaj më së miri dinte të tregonte plaku Hajdar Bilalli nga Jabllanica e madhe . Mixha Hajdar sikur e thirrshim tregonte se si kanë ndodhur luftërat e Mustafë Hasanit me Asllan Pashen e Pejës por edhe tregonte se stergjyshi i Mustafë Hasanit kishte qen i besimit të krishter pra katolik . Ky thoshte se ai është quajtur Gjon . Pra nese fillojmë nga unë vetë autori i Monografisë gjenealogjia e origjines sime do të ishte kjo ; Selimi-Mustafa- Hajdini-Mustafa- Hasani- Smakja- Delia –Gjoni . Mixha Hajdar spjegonte edhe vet afërsitë e Smajl Imerve . Ky tregonte se si Mustafë Hasani i kishte djemet : Imerin , Seferin , Temin , Islamin , Hajdinin dhe Miftarin . Nga Seferi është familja e Musë Seferve në Jabllanicë të Madhe , Imeri la djalin Smajlin e ky la Zeken dhe Tahirin . Temi la djemet Aliun dhe Jasharin , Islami la Feten ndersa Hajdini la Mustafën dhe per shkak se Smajli ishte djali i djalit më të madh të Mustaf Hasanit edhe lagjëja quhet lagjëja e Smajl Imerve. Pra djali i Imerit , Smajli la pas djemet Zeken dhe Tahirin . Zeka vdiq gjat shpernguljes në luften e 1999 në rrugë per në Rozhajë ku edhe u varros ndersa më vonë u rivarros në varrezat e fshatit Cerrcë dhe ky la pas djemet : Haxhiun , Sejdiun që jeton në Nynberg të Gjermanisë , Ramën që jeton afër Frankfurtit në Gjermani me familjen e vet të ngusht , Xhavitin dhe Hakiun si dhe një vajzë . Tahiri poashtu vdiq gjat ekzodit të fundit më 1999 dhe u varros në Shkoder . Ky la djemet : Imerin që jeton me familje e vet të ngusht në Angli diku afër Londres , Musan , Sadikun i cili jeton me familjen e vet të ngusht në Paris të Francës , Smajlin që jeton në Gjermani si dhe tri vajza . Djemet e Temit Aliu dhe Jashari që të dyt lan pas nga një djalë . Aliu la Xhemajlin i cili vdiq në Shqipëri si refugjat gjat luftës së fundit më 1999 dhe ky la pas shtat djem e një vajzë dhe pos djalit të madh të tjeret jetojnë në Gjermani , Austri dhe Kanada . Djali i Jasharit , Hasani jeton në Paris të Frances dhe ka kater fëmijë . Islami la pas djalin Feten dhe ky la vetem një vajzë dhe sot në pronat e Fetës jeton nipi i tij Hazir Rexhep Januzaj me familjen e vet të ngusht .

Hajdini la pas djalin Mustafën e ky vdic më 27.01.1994 dhe la tre djem e një vajzë . Djali i madhë i Mustafës Selimi me familjen e vet të ngusht jeton në Norvegji , Brahimi me familjen e vet në Ludwikshafen të Gjermanisë ndersa më i vogli Qazimi vdic me 21.09.2004 në moshen 39 vjecare . Vajza e Mustafës poashtu me burrë dhe fëmijë jeton në Norvegji . Ndersa djali më i vogel i Mustafë Hasanit , Miftari la pas djemet Rexhepin dhe Selimin të cilet jetojnë në Jabllanicë të madhe .

Januzajt janë Shalë dhe të ardhur nga Isniqi i Deqanit , Pepajt janë Shalë dhe sikurse edhe per Shalen e Kodres unë nuk munda të gjejë fakte se nga kanë ardhur por sipas disa pleqve janë kusherinj me Musë Mehmet e Llugave që nifen me mbiemrin Kukleci dhe këta të fundit janë të ardhur nga Isniqi i Deqanit .

Unë do ti shkruaj afersinë e vëllazërisë të Pepajt duke u bazuar nga koha e viteve 1960 që unë mbajta mend por edhe në ate që më të vjetrit tregonin at kohë per afersinë e familjeve të lagjes Pepaj . Deli Pepaj kishte djemet Beken dhe Zenunin . Zenun Deli Pepaj kishte dy djem ; Sejdiun dhe Haxhiun . Sejdiu kishte pasur kater gra dhe me to së bashku 17 fëmijë . Djemet e Sejdi Zenunut ishin : Bajrami , Hyseni , Nuhi , Selimi , Ibrahimi , Dauti , Avdullahi , Ahmeti, Murati dhe Mustafa si dhe shtat vajza . Nga këta pasardhës të Sejdi Zenunit shtatë djem pra Selimi , Ibrahimi , Dauti , Murati , Avdullahi , Ahmeti dhe Mustafa si dhe kater vajza ishin nipa dhe mbesa të Smail Imerve pra fëmijet e Fatimes së Smail Imerit me të cilen Sejdiu ishte i martuar dhe kjo ishte gruaja më e re e Sejdiut .

Haxhi Zenun Pepaj kishte vetem një djalë që quhet Idriz . Haxhiu iku për në Shqipëri ndersa djali i tij Idrizi u rrit nen kujdesin e axhes Sejdi dhe së bashku me te edhe emigroi në fund të viteve 1960 në Turqi .

Bekë Deli Pepaj kishte dy djem Qerimin dhe Beqirin .

Kadri Pepaj kishte këta djem : Halilin , Salihin ,Isufin , Ibrahimin , Shabanin , Nimonin , Arifin dhe Uken ( u vrae në Kullen e Popit ) . Halil Kadria la djemet Januzin dhe Musan . Sali Kadria nuk la pasardhës . Isuf Kadria la djemet Sadriun dhe Aliun . Ibrahim Kadria la Azemin , Meten , Hajdarin , Miftarin , Bajramin dhe Xhaferin.

Shaban Kadria la Isan dhe Kadriun . Nimon Kadria la Cenin , Rizan e Ramadanin . Arif Kadria la pas Zeqen , Fakun dhe Arifin , ndersa Ukë Kadria la Rrustemin .

Adem Deli Pepaj la pas Tahirin , Xhemajlin , Ademin , Aliun dhe Shpendin. Tahiri la pas Musanë ( u vra në luftë kunder forcave komunist - qetnike të Toma Zhariqit në Dobrushë ) , Smajlin dhe Isanë . Xhemajli la Mujen , Ademi nuk la pasardhës , Aliu la Hasanin ndersa Shpendi la Kamerin dhe Shabanin . Pepajt janë Shalë me fis .

Hazirajt ; Januz Halil Haziraj kishte djemet ; Halilin , Imerin , Zenelin ( zhduk pa gjurm në Kullën e Popit ) , Zymerin dhe Arifin . Hazirajt janë Krasniqe me fis .

Rugovët ; Syla , Shabani , Zhuka dhe Rama . Syla la Sokolin dhe Hysenin . Shabani la Aliun , Osmanin dhe Ymerin . Rama la Salihin dhe Haxhiun . Zhuka nuk la pasardhës . Rugovet janë Kelmend me fis .

Januzajt ; Vëllëzërit Zeqir e Beqir Zekë Januzaj , Isuf Brahim Januzaj , Mustafë , Arif dhe Isa Januzaj . Zeqir Januzaj kishte djemet Selimin dhe Azemin . Selim Zeqiri la Qerimin , Canen , Eminin dhe Muslinë . Azem Zeqiri iku në Turqi në fund të viteve 1960 dhe më kujtohet se kishte një djalë që quhej Zeqir . Beqir Zekë Januzaj kishte djemet Hajdarin dhe Zeken . Hajdari nuk la pasardhës ndersa Zeka la Beqirin dhe disa vajza .

Isuf Brahim Januzaj la djemet Ibren , Rexhepin , dhe Sadriun . Ibra la Ganiun , Rexhepi la Ibrahimin dhe Halitin ndersa Sadriu la Rrustemin . Mustafë Tahir Januzaj la ; Haxhiun dhe Tahirin . Haxhiu la djemet Ragipin , Mustafen dhe Ramizin ndersa Tahiri la Rexhepin dhe Ahmetin . Arifi la pas Ramen ndersa Isaja la Hasanin dhe Hysenin . Pra Januzajt janë Shalë me fis .

SHALA E KODRES ; Edhepse të një gjaku dhe fisi me kohë janë zgjërua dhe moti janë krijua tri lagje :

1. LAGJËJA e Sejdijajve : Bajram Sejdija kishte djemet ; Salihun , Selimin , Hajrushin dhe Rexhepin .Salihu la pas ; Zymerin , Sadikun dhe Shabanin .

Selimi la pas ; Sylen , Sejdiun dhe Sahitin .

Hajrushi la pas djalin Bajramin ndërsa Rexhepi la Tahirin ( jeton moti në Gjermani ) dhe Zenunin .

2. LAGJËJA e Idrizajve : Kjo lagje numron këto familje : Familja e Nezir Isufit , Familja e Asllan Isufit , familja e Rexhë Idrizit , familja e Hysen Muratve , familja e Sadri Smajlve , familja e Shaban Halilve dhe familja e Ahmet Idrizit .

Nezir Isuf Idrizaj la pas djemet Mehmetin dhe Isufin .

Asllani la pas Brahimin , Selmanin dhe Ramen ( vre e masakrua mizorisht nga qetniket e Miliq Kerrstës ).

Rexha la pas Sadikun ( vrae në Kullen e Popit ) dhe Idrizin .

Murati la pas Hysenin dhe Sylen . Ahmeti la pas Kadriun .

Nimoni la Zenelin dhe Halitin

Sadri Smajli la pas : Rexhepin , Smajlin , Selimin , Muharremin dhe Miftarin .

Ndersa në familjen e Halil Smajlit ishte Shabani , Dema , Januzi e Rama .

3. LAGJËJA e Zeqirajve : Beqiri kishte djemet Tahirin , Nimonin dhe Hajrizin .

Imeri kishte Halilin e ky Imerin e Arifin . Shabani kishte Kadrin dhe Osmanin .

Ademi kishte : Rrustemin , Qerimin , Mehmetin dhe Veselin .

Zeqiri la pas Ukshinin dhe Qazimin por në Lagjen e Kodres kemi edhe Lagjen e Osajve ose Bacalokve që janë Berishë me fis .

Pra sikur po shifet këtu kemi kater lagje dhe secila ka nga disa familje dhe prap secila familje nga disa antarë . Krejt kjo pjesë e fshatit që ndryshe edhe quhet Shala e Eperme janë shaljan , ndersa lagjëja e Bacalokkve ndodhet në mes të Lagjës së Pepajve dhe Shalës së Kodres .

Mirpo pos këtyre lagjeve të mëdhaja dhe të një vëllazërie dhe fisit në fshat kemi edhe disa familje të tjera që nuk permbajnë lagje në veti dhe këto janë : Familja e Tahir Ali Sylajt . Me fis Kelmend . Familjet e vëllëzërve Meshi : Osman e Qazim ky i fundit baba i deshmorve Afrim dhe Bashkim Meshi , Thaq me fis nga Merturi i Hasit .

Familjet e vëllëzërve Islami ; Bajram dhe Zenun , familja e Hasan Durakut , familja e Sahit dhe Ali Cetinës me fis Kelmend , familja e Haxhi Vuthit me fis Kelmend , familja e Zenel Maliqit , në Lugat e fshatit në fqinjsi me Januzajt janë edhe tri lagje që dikur i perkisnin fshatit Nengurrë por shumë nga ta janë shperngulur neper qytete tjera të vendit si në Prishtinë , Ilixhe , Istog , Pejë por edhe në boten e jashtme . Këto familje ishin Bruqajt , Gecajt dhe Topallajt . Pastaj vijnë familja e Qerim Rexhë Marajt , familja e Selim Rushit Bajramaj dhe familja e Ali Nurisë .

Duhet patjeter të ceku se fshati Nengurrë ka edhe një karakteristikë ndoshta të veqant pasi këtu jetojnë tri familje që administrativisht i perkasin një fshati tjeter ndersa gjeografikisht dhe me pronat e veta të patundshmërisë jetojnë në fshatin Nengurrë .

Janë Osmonajt që neve i thërrasim Habibët të cilet administrativisht janë nga Cerrca por jetojnë dhe krejt tokën dhe pronen e kanë në Nengurrë . Pastaj Fekë Bajramt – Rexhaj poashtu nga Cerrca dhe Sali Osmont – Bicaj nga Vrella që edhe këta me terë pronat e veta janë në Nëngurrë ndersa administrativisht i perkasin fshatit Vrellë .

Poashtu vlen të ceku se i ter fshati Nengurrë me perjashtim të lagjes së Kadajve dhe Smail Imerve varret i kanë në vet varrezat e fshatit . Në fshat janë tri vendvarreza ., dhe quhen varrezat të Blini , varrezat nen gjade dhe varrezat e Kodres . Kadajt dhe Smail Imert i kanë në varrezat në fshatin Cerrcë tëk varrezat e Rugovajve . Nga lagjëja e Smail Imerve vetem familja e Hajdin Mustafë Hasanaj i ka varret tek varrezat e fshatit Nengurrë në anen e poshtme te Blini . I tër fshati është nen juridiksonin e xhamisë dhe imamit të Vrellës nga ana fetare . Në fshat kurr nuk ka pasur xhami .

BAJRAKU

Sa i perket bajrakut pos Smail Imerve , Hazirajve dhe Rugove , lagjet dhe familjet tjera nuk flisnin per Bajrak . Smail Imert dhe Hazirajt pranonin bajraktarin e Krasniqes së Vranocit të lugut të Baranit ndersa Rugovet pranonin bajraktarin e Rugovës Sak Fazlinë .