Mendime
Xhemal Ahmeti: Hajdutët me shaminë e pionerit
E enjte, 11.02.2021, 08:55 PM
Xhemal Ahmeti:
ASNJË MAJË NUK QËNDRON
PA BAZË
Jam
thotë kunder ekstremizmit fetar, por të vret për primatin që është bërë kazani
i tyre. Jam thotë kundër hajnisë nga politikanët, të fyen e vret për primatin e
tij hajdut dhe abuzues. Jam thotë kundër diskrimiminit të gruas, por sapo (ri)martohet
e harron feminizmin dhe zhduket nga faqja e dheut - deri sa të divorcohet. Plus
të vret për primatin që ka mbush partinë me mizogjinë, grambulues- e
grapërdhunues...
Kjo
ndodhë në një shoqëri pa asnjë lloj vlerash, pa asnjë moral (as shoqëror as
personal, ngase edhe ky i fundit varet nga parime konstante). Nuk mund të
ndryshojë diçka me këtë mendësi militantësh skizofrenë. Nuk janë problem
primatët.
___________
HAJDUTËT ME SHAMINË E
PIONERIT
Si?
Në Prishtinën që për nga infrastruktura i përngjan një qyteti afgan të ngecur
në çdo sferë zhvillimi (katundet e mëdha këndej duken si kryeqytete në krahasim
me Tiranën e Prishtinën) paska lagje vipash - ku nuk frekuenton populli i
vdekshëm dhe ku çmimet qenkan marramendëse, milionëshe? Edhe më interesante: aty banuakan politikanë me rroga shteti?
Nëpunës shteti pra. Po ku i mblodhët ato para e ato garanci se? Si ka mundësi.
S'ka mundësi, përveç se kur vjedh e korruptohesh si derr/e i/e egër. Plus
lagjen me gardianë që nuk i ke në Zvicër për shembull! Hajdutë. Në kartelle
kolumbiane e keni shndrruar vendin. Nga ana tjetër, pse jo: këto turma edhe më
keq e meritojnë!
___________
PAS MBETEN VETËM SHENJAT
Gjersa
njeriu jeton vdesin aq shumë përreth tij. Prapseprapë ai nuk dorëzohet: bënë
çmos ta siguroj pavdekësinë. Edhe sa pervers duhet të bëhet egoizmi i njëshit,
për ta kuptuar tjerët se s'ka fuqi mbi e
nëntokë që mund ta ndryshojë këtë proces. Gjithçka që mbetet është shenja: e
cila mbijeton kohët nëse është shumë e mirë ose shumë brutale. Carpe diem dhe
mos u bë idiot.
___________
APOLITIKE
Qenia
dhe hiçi: qenie është gjithçka që ekziston; guri, plehrat, njerëzit, uji (...),
ndërkaq hiç janë gjitha këto kur s'ka kush i mendon si të qena. Hiçi pra nuk
është asgjëja, por është poashtu qenie që e kanë prodhuar ato qenie, të cilat
besojnë se pa ta universi është hiç. E se nuk kanë të drejtë e marrin vesh sapo
tu fiket drita parasyve: ai s'është e bota pasurohet edhe me një emër që ishte
e s'është më, por megjithatë jo hiç ngase shenjë në kohë e hapësirë. Kështu
demonstron natyra se hiçi de facto nuk ekziston, porse është vetëm një kategori
mentale e humanoidit për të mohuar/zhvlerësuar ato që i duken të paarritshme
ose që e pengojnë në luftën e tij për të qenë kurrora e universit.