Editorial
Aleks Kapllaj: Propaganda që ofendon shqiptarët
E shtune, 09.01.2021, 09:27 PM
Propaganda që ofendon shqiptarët
Nga
Aleks Kapllaj
Për
çdo pemë të mbjellur tek Liqeni nga Veliaj, një grataçel në zemër të Tiranës.
Çfarë
fshihet pas propagandës së mbjelljes së pemëve nga Erion Veliaj, rreshtimit të
ambulancave në qendër të Tiranës, aeroporteve në 3D të Ramës, çelësave të
shtëpive garsoniere të tërmetit të ekspozuara si triumf, të bluzave të
kampionëve të futbollit (Ronaldos dhe Bufonit) për fëmijët viktima të tërmetit,
ministrave kosovarë në qeverinë Rama, qeseve të ndihmave për shqiptarët e
varfër gjatë emergjencës sizmike e pandemike?
Çfarë
fshihet pas një operacioni të antidrogës në malet shqiptare, pas çdo sekuestrimi
të një sasie të hashashit në Portet shqiptare, pas procesit antidrogë si ai i
qarkut të Vlorës, pas demonstrimit të automjeteve ushtarake në rrugët e
kryeqytetit gjatë Pandemisë?
Pyetjet
janë retorike dhe përgjigjet dihen nga të gjithë shqiptarët, që e ndjekin me
bezdi propagandën e fushatës elektorale të përhershme të Ramës gjatë dy
mandateve të tij qeverisëse.
Pas
shfaqjeve mediatike të Veliaj, i rrethuar nga administrata e Bashkisë së
kryeqytetit, qëndrojnë lejet e ndërtimit të grataçelave që mbushin kryeqytetin
me beton aty ku ishin parqet apo parkingjet e pakta që kanë ngelur në Tiranë,
apo në vend të vilave tiranëse që ishin pjesë e identitetit të kryeqytetit.
Pas
ambulancave të rreshtuara në qendër të Tiranës, fshihen mungesa e kushteve të
sigurisë dhe ilaçeve në sallat e kirurgjisë, ku tenderat që duhet të garantonin
këto kushte, janë të ndara mes disa biznesmenëve afër Ramës dhe ilaçet për kura
në spital, duhet të blihen në farmacitë e të afërmëve që punojnë po në spital.
Pas
disa çelësave të disa garsoniereve të "shkundura" para fytyrës së
shqiptarëve në ekranet e të gjitha mediave sidomos në ertv të Ramës, fshihet
harresa e mijëra shqiptarëve që jetojnë akoma në çadra në dimrin e dytë pas
tërmetit.
Pas
bluzave që më ndërhyrjen e kryeministrit i dhuruan futbollistët Ronaldo e Bufon
për dy fëmijë, qëndron braktisja e shumë fëmijëve jetimë nga tërmeti, që nuk
kanë as kushtet minimale të jetesës. E njëjta gjë është me selfit e ministrave
e kryetarëve dhe administrata e bashkive, që në vend që të bëjnë një asistencë
strukturore mujore me lekë në bazë të gjendjes ekonomike të tyre, për aq kohë
sa është e nevojshme, ata dalin në media me dy qese në duar, që nuk dihet me
çfarë kriteresh janë dhënë e që konsumohen brenda një jave.
Pas
ministrave kosovarë Shahini e Cakaj, të prezantuar me një krenari të qeverisë
"kombëtare", të cilët, pa asnjë kompetencë dhe mediokër, u larguan si
të tillë, fshihet "liçenca" e Ramës për të drejtën për të bërë
minishengenin dhe ndërrimin e territoreve të Kosovës, duke përjashtuar atë në
çdo tratativë jashtë kompetencave të tij dhe në dëm të kosovarëve.
Pas
aeroporteve në 3D të Ramës fshihet keqqeverisja dhe mos aftësia e tij, për të
përfunduar qoftë edhe një rrugë, me strategji kombëtare siç e bëri Basha rrugën
e Kombit, që është sa dhjetra aeroporte të përfunduara e jo në kompjuter.
Në
të gjitha operacionet dhe proceset antidrogë, si ai i Vlorës, ku u liruan, me
gjykim të lirë, të gjithë të akuzuarit bashkëpunëtore të kultivimit të lëndëve
narkotike, drejtues të komisariatit të këtij qyteti (ku Rama është zgjedhur
deputet) dhe u mbajtën në burg punëtorët dhe rojet e plantacioneve që punonin
për bukën e gojes, ku kultimi në Lazarat në 2013, përbën vetëm 3% i atij që
kultivohet sot nga Jugu në Veri në të gjithë Shqipërinë, pas këtyre
operacioneve fshihen dhjetra parcela të tjera që punojnë të qetë për prodhimin
e hashashit.
Pas
vendosjes së automjeteve ushtarake që parakaluan në pranverën e kaluar në
Tiranë në kohën e Pandemisë, fshihet demostrimi i forcës dhe aplikimi i ligjeve
luftarake në rendin publik nga një ministër, që përdori lëndët kimike ushtarake
lotsjellëse kundër protestuesve të opozitës dhe qytetarëve kryeqytetas pas
zgjedhjeve lokale moniste dhe shembjes së Teatrit Kombëtar.
Pas
propagandës tuaj ofenduese për çdo shqiptar, fshihet grabitja strukturale e të
ardhmes së tyre, fshihet varfëria, papunësia, dëshpërimi që gjen zgjidhje,
qoftë edhe pjesërisht, vetëm me ikjen e qeverisjes tuaj abuzuese, duke besuar
që pasardhësi juaj, Basha t'a marrë atë detyrë, si shërbim ndaj qytetarëve të
vendit dhe me një frymë gjithpërfshirëse, të afrojë intelektualë të aftë për
t'i dhënë shqiptarëve atë që meritojnë.