Sevdail Hyseni: Lugina elektorale

Satirike

Lugina elektorale

Presheva n’këtë vit

Po fillon më ndryshe,

Nga trashtë e Sulës

N’qumësht dallëndyshe!

Me fjalë e fraza t’thata

Nuk çelin premtimet,

Më sa Ramë tullacit

A i dalin qimet?!

Ku mbeti reciprociteti

Rezolutë e Konsullatë,

Si dhe ai farë Fondi

Me xhepat e thatë?!

Në çdo palë zgjedhje

Një Marrëveshje e re,

Ç’e do kur këndesi

Nuk po na bënë ve!

S’është hera e parë

Me këtë retorikë,

-Si dhelpra pas dashit

Deri n’Selanik…. !

Sevdail Hyseni

(Karikatura nga interneti e përpunuar)