| E premte, 08.01.2021, 07:56 PM |
Ejvallah.
Ministreshka
e kulturës, diplomuar për arkitekturë, në universitetin e Firences, na dha një
birinxhi haber; ABI (vëllai i madh në shqip) Rexh Taipi do të na restaurojë
xhaminë e Plumbit. Aferim! " Një marrëveshje e shumëpritur", shkruan
ministriçka, " jo vetëm për banorët e Shkodrës, apo besimtarët myslymanë,
por për gjithë shqiptarët". Me dorën mbi gjoks me kokën përkulur, sikundër
veprohet në traditën më të mirë osmane, si të qe para Sylejmanit të
madhërishëm, ministrushka jonë ish e lumtur. I lumtur ish edhe Agai i saj,
Salep Sulltani, apo Profeti i kokoshkave, sepse me ndihmën e ABI-it, tashmë
Arnautistani ynë e ka të hapur e të sigurt rrugën drejt Europës. Mendja në Azi, vështrimi në Europë, veprimet
anadollake, mëmëdheu një plaçkë për t'u shitur. Ministruçkë moj, si nuk t'u
drodh qerpiku, si s'tu mpi dora kur firmose për shembjen e Teatrit Kombëtar?
Mbase nga që ai ish ndërtuar nga fashistët perëndimorë dhe jo nga anadollakët
lindorë? Si s'u skuqe sado pak kur e gjithë Europa e qytetëruar e mori në mbrojtje?
Si s'të breu sadopak ndërgjegjia kur pe të varrosen nën rrënoja pianoja e
tryeza gati njëqind vjeçare e me vlera të veçanta historike? Ne na erdhi keq
edhe për çallmat e dollomatë osmane të " Shtatë shaljanëve",
"Halili e Hajria", "Trimi i mirë me shokë shumë", por mbi
te gjitha edhe kujtimi i kostumit të
Gjergj Kastriotit, Ismail Qemalit, Isa Boletinit e Sylejman Vokshit. Si nuk
ngrite zërin moj ministruçke për betonizimin e Durresit, kur betonizuesi i saj
me "duart akullore" tha: "Ç'të keqe ka t' i heqësh një muri
antik prej pesëdhjetë centimetrash, vetëm pesëmbedhjetë"? Si guxon e u jep
privatërve të huaj një vlerë si Butrinti? Ç' kulturë e ç'interesa mbron? Jazëk!
Pa
dyshim, që ne jemi për ruajtjen e restaurimin e trashëgimisë,vendeve të kultit
të çfarëdo besimi, por trashëgimia nuk
është pjesë e tekave e shijeve të politikanit të rradhës. Me rilindjen urbane,
po zhdukni identitetin, individualitetin e qyteteve tona e po i bëni të gjitha
njësoj. Ministrullushka arkitekte, nuk thotë asnjë fjalë kur Bashkani i
Beledijes(kryetari i bashkisë) shkatërron vilat e shtëpitë karakteristike të
kryeqytetit dhe i zëvendëson ato me kulla betoni. Me sa duket për këtë ka
studiuar në djepin e kulturës europiane, Firencen e magjishme, se si të
shkatërrojë e jo të ruajë trashëgiminë. Rruga për në Europë kalon nga Anadolli.
Aferim, hallall apo jazëk?
Ejvallah.Ministreshka e kulturës, diplomuar për arkitekturë, në universitetin e Firences, na dha një birinxhi haber;...
Posted by Aleanca për Mbrojtjen e Teatrit - zyrtare on Friday, January 8, 2021