Mendime
Kastriot Myftaraj: Kryeministri Rama shkeli flamurin dhe Kushtetutën e Shqipërisë, për të siguruar ftesën e Erdoganit
E merkure, 06.01.2021, 11:08 PM
Kryeministri Rama shkeli flamurin dhe Kushtetutën e Shqipërisë, për të siguruar ftesën e Erdoganit
Nga
Kastriot Myftaraj
Kryeministri
Edi Rama shkoi sot në Turqi, për një vizitë zyrtare, i ftuar nga Presidenti
turk Erdogan, por me kërkesën paraprake të Ramës. Që Rama të siguronte këtë
ftesë pati një kusht nga Turqia. Para vizitës Gjykata e Lezhës duhet të
shpallte dënimin për organizatorin e protestës në Qafë Mollë të Mirditës, në
dhjetor 2017 ku protestuesit prishën flamurin turk të ndërtuar në digën e
hidrocentralit nga një shoqëri ndërtimore turke. Prandaj seanca gjyqësore për
shpalljen e vendimit për këtë çështje u mbajt në 30 dhjetor 2020. Sipas
vendimit të shqiptuar, ose më saktë osmanuar nga gjyqtari Ilir Përdeda, mbi
bazën e kërkesës së prokurorit Arben Agovi, personi që bëri thirrje për
protestën, Leon Molla, u dënua me dy vjet burg.
Ky
vendim tregon se e ashtuquajtura Drejtësi e reformuar është tërësisht nën
kontrollin e Edi Ramës, njëjtë si Drejtësia në Turqi, që është nën kontrollin e
Erdoganit.
Vendimi
i Gjykatës së Lezhës është antikushtetues, i pabazuar në ligj dhe në prova,
pikësëpari sepse shoqëria turke nuk kishte leje për ndërtimin e një flamuri
monumental në digën e hidrocentralit. Asnjë shtet në botë nuk lejon ndërtimin e
flamujve të shteteve të tjera, në trajtë monumentale, përveçse me leje të
posaçme, në raste të posaçme. Këtu duhet bërë dallimi mes paraqitjes së
flamurit të huaj prej bezeje në selinë e një shoqërie të huaj, dhe ndërtimit të
një flamuri në trajtë monumentale. E para lejohet, e dyta jo, përveçse me leje
të posaçme, në raste të posaçme.
Në
Shqipëri kanë ndërtuar hidrocentrale italianët, para Luftës së Dytë Botërore,
sovjetikët dhe kinezët, pas Luftës së Dytë Botërore, porn ë asnjë rast nuk kanë
ndërtuar në digë flamurin e tyre në trajtë monumentale. Policia e Shtetit
Shqiptar duhet të kishte ndërhyrë në Qafë-Mollë për të ndaluar ndërtimin e
flamurit turk në digë nga shoqëria turke, ose menjëherë pas ndërtimit. Policia
e Shtetit Shqiptar ndërhyri kundër protestuesve që mbrojtën Kushtetutën e
Shqipërisë dhe vepruan sipas ligjeve të tjera në fuqi, duke përfshirë edhe
Kodin Penal.
Sipas
nenit 3 të Kushtetutës, identiteti kombëtar dhe trashëgimia kombëtare janë elementë
bazë të shtetit tonë, i cili ka detyrë që t’ i respektojë dhe t’ i mbrojë,
detyrime këto të sanksionuar shprehimisht në Kushtetutë. Flamuri shqiptar është
element bazë i trashëgimisë kombëtare. Respekti dhe mbrojtja e flamurit
shtetëror, njherësh edhe kombëtar, kryhet edhe duke mos lejuar ngritjen pa leje
të flamujve monumentalë të shteteve të tjera. Ndryshe, nëse çdokush i huaj që
vjen në Shqipëri ndërton flamurin monumental të vendit të tij, atëherë humb
identiteti kombëtar shqiptar i shtetit tonë, element i të cilit është flamuri,
dhe nuk kuptohet se në cilin shtet gjendemi këtu.
Ndërtimi
i flamurit monumental turk në digën e hidrocentralit ishte një provokim
neo-otoman. Ata që e bënë donin të shikonin sesi do të reagonin shqiptarët.
Njerëzit e thjeshtë reaguan ashtu si duhet me vetëdije kombëtare të lartë.
Autoritetet shtetërore reaguan si bashkëpunëtorë të Neo-Otomanizmit.
Vendimi
gjyqësor i 30 dhjetorit i Gjykatës së Lezhës përbën vepër penale. Gjithashtu
edhe akuza e ngritur nga Prokuroria e Lezhës. Nëse ishte dikush që duhej
proceduar penalisht për veprën penale të nxitjes së urrejtjes këta ishin
drejtuesit e shoqërisë turke.
Vendimi
I gjykatës është një triumf I Neo-Otomanizmit në Shqipëri. Ta dijë mirë Edi
Rama, gjykatësit dhe prokurorët e Lezhës, policët e terroristit neo-otoman të
shkolluar në Turqi, Ardi Veliu, se ne shqiptarët me vetëdije kombëtare nuk do
ta lejojmë triumfin e Neo-Otomanizmit dhe do t’ I ndëshkojmë bashkëpunëtorët e
Neo-Otomanizmit, ashtu siç u ndëshkua tradhtari kombëtar Esat Toptani dhe
ndjekësit e tij.
Nëse
nuk ndërpritet bashkëpunimi i qeveritarëve dhe zyrtarëve të shtetit me
Neo-Otomanizmin, unë personalisht do të marr nismën për krijimin e Organizatës
për Mbrojtjen e Bazës së Shtetit, sipas Nenit 5 të Kushtetutës së Shqipërisë,
me Avni Rustemin si simbol të saj.
Kryeministri
Rama nuk shkeli vetëm flamurin shtetëror dhe kombëtar shqiptar, para se të
shkonte këtë herë në Turqi. Ai shkeli edhe një element tjetër të bazës
kushtetuese të shtetit, që është pavarësia. Dhe pavarësia e Shqipërisë është
shpallur në 28 nëntor 1912, pikërisht ndaj Perandorisë Osmane.
Edi
Rama, gjatë vizitës së tij të sotme në Turqi, duke pranuar të bënte nderim para
një grupi ushtarësh ceremonialë të veshur me uniforma të kohës osmane shkeli
pavarësinë e Shqipërisë. Erdogani praktikon nxjerrjen në ceremoni zyrtare të
ushtarëve me uniforma osmane, për të shprehur natyrën neo-otomane të shtetit të
sotëm turk. Por Shqipëria ka marrëdhënie me Republikën e Turqisë të krijuar në
1923, jo me Perandorinë Osmane. Kryeministri i Shqipërisë shkoi për vizitë në
Republikën e Turqisë jo në Perandorinë Osmane.
Ushtarët
me uniforma osmane të cilët i përshëndeti Kryeministri Rama mbanin uniformën e
pushtuesve të Shqipërisë, të atyre që luftuan kundër Skënderbeut, Gjergj
Aranitit, Pjetër Bogdanit, Abdyl Frashërit, Sylejman Vokshit, Ismail Qemalit,
Isa Boletinit, Idriz Seferit, Ded Gjon Lulit, Gjonmarkajve, por edhe Ali
Tepelenës, i cili vitin e ardhshëm ka 200 vjetorin e vdekjes. Kryeministri Rama
duke nderuar ushtarët me uniforma osmane shkeli dyfish nenin 5 të Kushtetutës
së Shqipërisë.
Veprimet
e Edi Ramës, të gjyqtarëve dhe prokurorëve të Lezhës, të policëve të Mirditës
dhe Lezhës përbëjnë krim të parashikuar nga neni 218 i Kodit Penal, të
titulluar “Vënie në shërbim të shteteve të huaja”, që thotë:
“Vënia
në shërbim të një shteti apo fuqie të huaj të cdo shtetasi shqiptar, me qëllim
kryerjen e veprave kundër pavarësisë dhe integritetit të Republikës së
Shqipërisë dënohet me burgim nga tre gjer në 10 vjet.”
Kjo
është ajo që quhet tradhti e lartë.
Meqënëse
këtë dispozitë ligjore nuk duan ta zbatojnë personat e veshur zyrtarisht me
pushtet ligjor, mbetet që ta kryejnë shqiptarët e përgjegjshëm duke zbatuar
drejtpërdrejt Kushtetutën ne fuqi. Ashtu sic u zbatua ndaj Esat Toptanit dhe
ndjekësve të tij.