E enjte, 28.03.2024, 11:12 PM (GMT)

Kulturë

Vahit Nasufi: Malli për Uskanën

E hene, 09.11.2020, 06:11 PM


MALLI  PËR  USKANËN

Nga Vahit Nasufi

Moj Kërçovë, Uskanë e lashtë,

Ty gjithmonë të kam dashtë,

Të kam dashtë dhe të dua,

Më shtrejta je për mua!

Je një vatër e burrërisë -

Bujarisë, kulturës, trimërisë...

Që nga koha e lashtësisë,

Ke mbushë faqet e historisë!

Je një çerdhe gjeraçinash -

Kafaz bilbilash dhe kanarinash...

Je fole intelektualësh,

Je nënëloke kurbetçarësh...

Me një mori epitetesh,

E bukur je, dhe do të mbetesh,

Shtati yt në rrafsh qëndron,

Ke Kalanë që të zbukuron.

Fshatra e male që t`rrethojnë,

Bukurinë më shumë ta shtojnë,

Fusha jote, tokë pjellore,

Është bazë e fortë ushqimore.

Pasuri të madhe kombëtare,

Ke këngën e bukur kërçovare,

Kjo këngë e vjetër polifonike,

Dallon nga trevat tjera etnike!

Edhe unë si shumë shqiptarë,

U largova si zog shtegëtar,

Lash vendlindjen, n`kurbet shkova,

Plagën e vjetër e trashëgova!

U largova e lash Atdhenë,

Si një qinjgj që le kopenë,

Porsi zogu kur le folenë,

Nuk di varrin ku do ta kem!?

E rëndë është jeta në mërgim,

Për ty digjet shpirti im,

Zemra ime kot nuk thotë,

Për mua je më e mira n`botë!

Më merr malli më përvëloj,

Aromën tënde të shijoj,

Bukuritë tua t`i shikoj,

Gjuhën shqipe të dëgjoj...

Të dëgjoj zërin e këngëtarëve,

Të dëgjoj ezanin e hoxhallarëve...

Për shumëçka më merr malli,

Shpirtë e zemër, flakë m`i kalli!

Kur vjen koha e pushimit,

Qoftë e verës, apo e dimrit,

Vijnë kërçovarët prej mërgimit,

Mbushet Bulevardi i çlirimit,

Këngën nga malli unë e shkrova,

Me lot ndër sy e shoqërova,

Me që prej teje shumë larg  jam,

Ty ndër mend gjithmonë të kam.

Speshëherë natën të ëndërroj,

Të kaluarën me nostalgji e kujtoj,

Je e dashur Uskana jonë,

Për t`u këthyer kurrë s`është vonë!?



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora