Mendime
Florim Zeqa: Uzurpatorët nuk bëhen reformatorë!
E hene, 09.11.2020, 04:10 PM
Uzurpatorët nuk bëhen reformatorë!
Shkruan:
Florim Zeqa
Përmes
procesit të egër dhe jo transparent të privatizimit u përvetësuan të gjitha
pronat publike, objektet dhe uzinat, bjeshkët, grykat e maleve dhe tokat
bujqësore, rrjedhat e lumenjëve dhe
pasuritë natyrore nga të fortët e politikës pa dallim, pushtet dhe opozitë.
Politikanët milionerë,
"beglerë dhe agallarë" të ditëve të sotme
Sot
pronar faktik të çdo të mire (dikur të përbashkët) janë një grup i vogël i
uzurpatorëve që përvetësuan në emër të privatizimit të gjitha pasuritë dhe
pronat më të mira të këtij vendi, duke i zhveshur qytetarët nga çdo e drejtë
njerëzore, duke i përdorur si skllevër të shtypur pa sigurime shëndetësore dhe
pa asnjë të drejtë qytetare.
Milionerët
e politikës janë shndërruar në "beglerë dhe agallarë" të ditëve të
sotme, të cilët nuk ia kanë frikën ligjit dhe as drejtësisë vendore, për shkak
se janë mbi ligjin dhe drejtësinë duke u bërë që dy dekada pronar të
institucioneve shtetërore.
Kur
e themë këtë, e kam parasysh faktin se të gjithë ata që janë në majat e
shtetit, marrin gjithçka pa dhënë asgjë nga vetja e tyre për shtetin dhe
qytetarët.
Përderisa
fëmijet dhe familjarët e politikanëve milionerë e kanë të garantuar shkollimin,
punësimin dhe shërbimet shëndetësore, qytetarët e zakonshëm që nuk janë të
lidhur me kastën aktuale politike nuk e gëzojnë asnjërën!
Kusarët politikë e
ndërrojnë "gzofin" qysh të ndërron moti
Kusarëve
politikë apo politikanëve interesgjinjë, në momentin që ju ikin nga dora
privilegjet në njërën parti, e ndërrojnë "gzofin", kalojnë në partinë
tjetër të veshur me "gzofin" e ri të shpëtimtarit, për të uzurpuar
sërish poste dhe privilegje pushtetore përmes votës se qytetarëve, duke i
mashtruar me gënjeshtra dhe premtime boshe dhe megalomane për ndryshime, e që
në fakt ndryshimi ndodhë per mashtruesit e jo për qytetarët.
Mashtruesit
nga opozita gjithnjë vijnë në pushtet dhe bëhen mbretër të xhunglës politike,
ndërsa votuesit sërish mbeten të njëjtë: të varfër dhe të anashkaluar nga
pushtetarët e rinjë.
Qyetarë
të dashur të vendit tim, mos u mashtroni nga "shpëtimtarët" e rinjë
në lëkurë qengji, djalli mbetet djallë, hajni mbetet hajn edhe nëse ndrron
parti, ai vetëm mund të shndërrohet në një uzurpator të ri, të asaj që pak ka
mbetur në këtë shtet të ri.
Djajtë
në lëkure qengji, s'janë gjë tjetër veçse mashtures ordinerë, janë uzurpatorë
të pronave dhe pasurive publike, janë zhvatës të buxhetit dhe kapës të shtetit,
të cilët në institucionet shteterore dhe kompanitë publike i kanë të punësuar
të gjithë familjaret e tyre.
Ata
(ato) që deri dje u ngritën në karrierë pitike dhe u ngjitën në majat e shtetit
përmes kapësve të shtetit nuk mund ta bëjnë çkapjen e shtetit, sikurse që nuk
mund të sjellin drejtësi përmes padrejtësive të reja. Të tillët nuk mund ta
çkapin shtetin pa i larguar së pari familjarët e tyre të punësuar në
institucionet shtetërore.
Uzurpatorët
që thirren në parime, së pari duhet të heqin dorë nga privilegjet personale që
ua ka garantuar pushteti, e tek pastaj të kërkojnë besim të ri nga qytetarët.
Çkapja duhet të filloj
brenda sojit për të vazhduar tek soji tjetër
Njerëz
të dështuar dhe kusarë politik nuk janë vetëm vetëm njerëzit e veshur në petkun
e pushtetit, por edhe opozitarët që së bashku për dy dekada rresht e rropën dhe
ç'rropën çdo gjë nga pasuritë e këtij vendi, duke vjedhur shtetin dhe vërferuar qytetarët.
Nuk
mund të dhe nuk duhet të shes moral politik për ç'kapje të shtetit ai (ajo) që
bashkëshorten (in) dhe të gjithë familjarët i ka të punësuar në institucione
publike dhe shtetëtore përmes kapësve të shtetit!
Është
iluzive të presim çkapje nga kapësit dhe uzurpatorët e deritanishëm të shtetit.
Kosovës i duhet gjak i ri, i duhen njerëz të rinjë dhe të pastër, e jo figura
të ricikluara politike!
Dy
role nuk mund të luhen njëkohësisht, edhe kapës, edhe reformatorë!
05.11.2020