Mendime
Xhemal Ahmeti: Të dashur relativues, frikacakë dhe egoistë
E marte, 03.11.2020, 09:00 PM
Të dashur relativues, frikacakë dhe egoistë
Nga
Xhemal Ahmeti
Pasi
dështuan keq në debatin rreth çeçenit, me një fjalë u doli fytyra si saçi apo
xhevahiri i Gjylës përmbi ujë, tash relativizuesit dhe frikacakët, të zënë
ngushtë edhe ngase vrasësi u doli nga rradhët e veta përdorin pseudomantrën,
parullën tjetër «krimi nuk ka fé as komb». Po ka kombësi kur asaj lufte i
bashkangjiten 1001 ushtarë vetëm të një kombi konkret e proporcionalisht në
masë më shumë se tjerët (boshnjakët, turqit …); kur asaj lufte i bashkangjiten
dhjetra xhami, qindra e mijëra militantë - ende retorik - për çdo ditë me propagandën
e tyre; kur në atë komb prodhojnë qindra libra me përmbajtje fashiste ndaj
perëndimit dhe kulturës shqiptare shtëpi botuese të paguara nga investuesit e
terrorizmit; ka por ti relativizues apo frikacak i dashur nuk je më i denjë për
diskurs se sa ato zuzarët që do kishin vrarë gjithë botën por ende rrinë
strukur zgafellave të tyre. Po ka fé që predikojnë terrorizëm. Ato janë nëna e
terrorizmave historikisht (edhe konkretisht me faktografi të dëshmuar), sidomos
abrahamitet. Një pjesë e tyre ka hequr dorë nga terrorizmi duke u bazuar vetëm
në Dhiatën e Re dhe duke depolitizuar kishën, tjetra jo. Kjo tjetra madje ka
shtete që edhe ndaj qytetarit të vetë, ndaj femrës, ndaj njeriut sillet me
terrorizëm të përditshëm. Ju të dashur relativizues jeni e keqja e shoqërive
shqiptare ngase në të vërtetë thoni: „hajt se një s’ka dert, hajt se njëmijë
s’ka dert, hajt se ende janë 10% s’ka derit, hajt se janë vetëm 20%…e harrohet
ngjarja shpejtë“. Më kuptoni ku e kam fjalën? Me siguri se me kuptoni, por jeni
oportunistë, frikacakë, egoistë që në fakt as u ha palla për shoqëritë, lirinë
e tjerëve, dhe pengimin e terrorizmit. Jeni për keqardhje. Problemi nuk
zgjidhet kështu por me masa konkrete, duke mos lejuar fetë të fusin hundët në
politikë e sferave publike. Duke i disciplinuar me ligje dhe duke mos i
trajtuar si shtet paralel.
___________
SHPËTUAM - NJË I VRARÊ
DHE NJÊ POLICE QENKAN SHQIPTARÊ?!
Nuk
na shpëton fakti se një nga 500 policêt e lëshuar mbrëmê Vjenës dhe se njêri
nga viktimat qenkan shqiptare. Ky lloj ngushëllimi madje është idiot, ngase
sikur festoni se njera nga viktimat qenka shqiptare. E bëni nga pavetëdija dhe
për t'ia lehtësuar vetes gropën mentale ku gjenden pjesë të shoqërisë shqiptare
me 1001 në ISis dhe me mijera klerikë e njerez religjiofashistê. Njerëzit në
detyrê s'janë heronj dhe të vrarit nuk janë material për të krijuar balancin -
hë vallahi se kemi edhe ne të mirë. Nuk luajm futboll këtu. Diaspora kundër
Muçivërcês apo Austria në ndeshje miqësore me shqiptarët e saj. Mentalitet i
shkatrruar komplet.
Çka
nëse nesër gjithë do të jenë shqiptarë?