| E diele, 30.08.2020, 11:06 AM |
SËRISH JANË NGJALLUR HAXHIQAMILAT
Nga
Bardh UKA
Shpeshherë
në leksikun popullor shqiptar përdoren shprehje të bukura metaforike për të
treguar diçka të ndodhur, qoftë qëllimmirë apo qëllimkeqe, apo për të shpuar me
ferrë, për të të zgjuar nga dremitja apo e kotmja pasdarke…etj …, siç janë
shprehjet … “ta lash- pra ta lash kopilin te dera”, “soj dobiçi, apo bir
dobiçi”, “të ta them sa s’ma ke thanë”… pra edhe kopilat e dobiçat…, të
përjargur si viçat… në mbllaçitje, i hanë sanduiçat e shijshëmmm…! Këta mbase
janë të farës së ardhur aziatike që i solli era e monsuneve ciklonike nga
vendet mongolo-tatare e ç’i mbolli keqas në trojet shqiptare…?! Që, për fatin
tonë të keq e të mjerrë, kanë ngritur sërish krye edhe sot…tokave të
Shqiptarisë… me shtatë varrë… gjithnjë në kalvare,… brendapërbrenda tokave
shqiptare… Të shkelin mbi plagët e hapura kur po livadhisin gjithandej
“sallamadi”, kullosin e baglajosin pa e çare kokën e pa ua ndie bytha aspak për
pushtetet e kalbura dhe të korruptuara të shteteve shqiptare…sot e gjithë
ditën, të kapur nga pushtetarët e shitur… e të zhytur deri në fyt në m.t në
punë kontrabande e plaçkitje ordinere të pasurisë kombëtare… Hyjnë e dalin si
në “Hanin e Elez Agës”, pa e pyet hanxhiun e pa i dhënë llogari
askujt…!?..Pse!, Si është e mundur kjo të na ndodhë neve sot e tërë ditën, kush
është “Kumbari Madh”…? Pranda, edhe paria shqiptare, nuk kanë kohë të merren me
“haxhiqamilat” e kohës moderne, që nuk ndalen duke vjellur vrrer të zi e të
verdhë apo dhe jeshil… kundra historiografisë shqiptare, kulturës e traditës
sonë si dhe gjuhës së bekuar shqipe… që kushedi se sa herë na e patën mallkuar,
kisha e xhamia. Nga kush? Nga vetë të mallkuarit, që rrinë e bëjnë sehir në
trkëndëshin Beograd-Athinë-Kostandinopojë, shohin ëndrra me sy hapur për tokat
shqiptare si plaçkë tregjesh të lira..! Pushtetarët tonë jo vetëm halldupë por
edhe mizorrë, miopë e kameleonë që nuk kënaqen me kaq por, kanë heshtur edhe
para propagandimit televiziv… të shpërndarë si zgjebe permes shfaqjeve në
televizor të emisioneve e filmave e telenovelave të huaja.. të cilat, si pako
bamirësie, ua falën shtetet “boss” shtëpive televizive të varfanjakëve e
lypsarëve tanë të cilët nuk kanë as një fije të ndërgjegjies kombëtare dhe të
egos së të qenit shqiptar….Me të vërtetë janë shdërruar në trgtarë të pasurive
nacionale… mundësisht t’i shesin ato tamam si plaçket e përdorura…në
“al-pazar”. Ja pra ky është asimilimi i qetë…”brirë s’ka, të të
vrasë”…Pikërisht ky është asimilimi i jonë, jo me revolucion(lexo shpatë) por
me evolucion(lexo përkëdhejle për gjumë të rëndë.., pastaj injektim të lëngut
drogues me dozë helmuese)…!