| E premte, 19.06.2020, 05:59 PM |
Shtetbërja e Kosovës, rrezikon dështimin
Nga Ibrahim
Kabili
Data
27 qershor po afron. Sa më pranë kësaj date, aq më shumë po shtohen gjasat se
ndarja e Kosovës është një obsion që ende ndodhet mbi tavolinë. Ky është një
realitet sa absurd, dhe aqë i pa pranueshëm. Absurditeti më i madhë i qëndron
në faktin, se si i qaset klasa politike në Kosovë, këtij problemi. Gjithashtu
të bën përshtypje dhe sjellja shumë inferiore e
shumicës së politikanëve të Kosovës ndaj Serbisë. Gjithsesi situata
është shumë delikate, tepër e rrezikshme, dhe absolutisht në disfavor të shtetit
të ri të Kosovës. Serbia ka përfituar në kohë dhe e ka kthyer situatën në favor
të saj. Që situata politike të mund të kthehet në favor të Kosovës duhef një
bashkëpunim më i madh dhe më dinjitoz midis pozitës dhe opozitës; midis
qeverisë dhe parlamentit; midis
presidentit, kryeparlamentares dhe kryeministrit. Të gjithë këto aktor
dhe faktor duhet të përgatitin agjentën, të përcaktojnë vijat e kuqe të bazuara
në kushtetutë, dhe mbi të gjitha të merret mendimi shkencor i Akademisë së
Shkencave. Po kështu të respektohet absolutisht dhe qëndrimi i shoqërisë
civile. Kosova sot është në çastet më kritike të shtet ndërtimit të saj. Thënë
më shqip në prag të çbërjes apo shkatërrimit të shtetit të saj. Qëndrimi i
pjesës më të madhe të politikanëve atje, është krejtësisht i pa përgjegjshëm,
tepër naiv, qëndrim tepër fshataresk, shumë nënshtrues, pa shtyllë kurrizore,
pa bosht patriotik dhe aspakt kombëtar. Ish komandantët përgjithësisht e bënë
mirë punën e tyre në luftë dhe dështuan në paqë. Dështuan në paqë nga etja e
tyre e madhe për pushtet, nga mania për të vënë pasuri padrejtësisht, nga
inferioriteti me politikën dhe politikanët e Serbisë, nga kapadaillëku e
fudullëku ekstrem i tyre, dështuan nga bajraktarizmi i theksuar mesjetar shqiptar, nga vënja e interesave të tyre mbi
interesat e shtetit të Kosovës, dështuan pasi e mbushën administratën me
militantë partiak, dështuan me fryerjen e listave me "luftëtarët e
rremë", dështuan me të pagjeturit e luftës, dështuan me denoncimin e
krimeve të luftës të shkaktuara nga Serbia, dështuan sepse abuzuan me pagat e
larta të tyre, dështuan pasi abuzuan me pasurit e shtetit, dështuan me
demarkacionin me Malin e Zi, dështuan me
liberalizimin e vizave, dështuan me shumicën e marrveshjeve me Serbinë,
dështuan me ekonominë, dështuan, dështuan dhe vetëm dështuan... Fatmirësisht
disa prej tyre, nuk arritën të dalin "fitues", mbi lobimin për
ndarjen e Kosovës! Sa poshtë bien ky takëm
njerëzish pa ide, pa ideale, pa karakter, pa fe e pa Atdhe. E pa falshme
dhe e pa pranueshme kjo situatë e pas pavarësisë së Kosovës. Këto politikanë të
shndërruar në palopolitikanë u përçanë, u treguan mediokërr në drejtimin e
shtetit, dhe akoma mos ndodhtë më e keqja, disa prej tyre, të jenë të shitur.
Kjo e fundit ka gjasa të jetë e vërtetë! Përgjegjësi kryesor për këtë situatë
tepër të nderë është Thaçi. Thaçi dhe politikanët e tjerë, mbështetës të tij.
Nuk arrij të kuptoj se si mund të tjetërsohet njeriu, nga qëndrimi i tij
dinjitoz në Rrambuje, deri te ideja e ndarjes
së Kosovës apo shkëmbimit të territoreve. Eshtë fatkeqësi kombëtare në
rast se kjo ide e vjetër dhe famkeqe
serbe të ketë marrë "bekimin" e tij. Dhe mund të ndodhë! Gjithmonë
vendi në situata të vështira ka nxjerr burra që kanë mbrojtur interesat
kombëtare. Po ka patur dhe Hamza, Esatë, dhe sa e sa esadistë, që në situata
kritike të historisë sonë kombëtare u bashkuan me pushtuesin. Por nuk duhet të
harrojmë që ka patur dhe, Isë Boletinë (që ky takëm duan me e lënë nën Serbi),
ka patur Bajram Currë, Hasan Prishtinë, Avni Rustema dhe Adem Jashara që i kanë
dalë zot kombit të vetë. Esatët dhe esadistët duhet ta kenë të qartë këtë. Ata
nuk janë as mbretër dhe as perandor, por dhe shumë prej tyre kanë pasur një
fund të trishtë, të ndyrë. Dhe ku, në vende të afirmuara. Politikanë feudesh të
Kosovës, një gjë duhet të keni parasysh: Kosova nuk duron më ndarje, nuk duron
ndryshim kufijsh, nuk duron më zgjedhë të huaj, nuk mund të vihet më , nën
Serbi. Në këndvështrimin tim shteti i mirëpritur i Kosovës, është i paralizuar.
Eshtë i paralizuar nga veprimtaria agresive e shtetit serb nga jashtë dhe nga
"pronarët" e feudeve nga brenda. Kjo e dyta është trishtuese! Eshtë e
pa konceptueshme! Eshtë e pa falshme! Pse jo, kjo shkon, deri në tradhëti
kombëtare! Po si është e mundur që edhe opinioni shoqëror megjithëse ka
reaguar, përsëri qëndron indiferent përball kësaj gjëme të madhe, që
politikanët e "shitur" humbjet e njëpasnhëshme me Serbinë, na i
paraqesin si "fitore" historike? Po në institucionet e Kosovës a ka
funksionar që u dhimbset shteti i tyre? A nuk kupton kjo palo rracë politike se
po shkatërrojnë nga themelet shtetin e tyre? A ka rracë njerëzore dhe popull në
botë të pranojë veprimtari të tilla si:
??Planin për ndarje apo shkëmbim territori?!
??Pagim parash rreth 168000 euro për promovimin e
ndarjes së Kosovës?
??Po si është e mundur lobimi nga ministrja e
PAN-it, Hoxha nga radhët e PDK-së të bëjë lobim kundër shtetit të sajë dhe mos
të merrt në pyetje nga prokuroria e Kosovës? Dhe unë flas për Rakiqin. Turp për
mua! Ai është serb dhe do mbrojë interesat e Serbisë. Të pafytyrë janë ato që e
sollën në qeverinë Hoti, atë. Ju që luani me fatet e popullit më shtypur në
botë, meritoni të etiketoheni me fjalët më të ndyra që ka fjalori i njësuar, i
gjuhës së bukur shqipe. Populli nuk do t'jua falë emërimin e tij zv/
kryeministër. Ai do të luaj me ju!
??Si është e mundur që BIRN me dokumenta provon
se, Gashi, në cilësinë e ambasadotit, porosit të bëhen shkrime në "Le
Monte" për promovimin e ndarjes së Kosovës dhe "zotërisë" nuk i
futet një gjemb në këmbë? Dhe kur? Në vitet 2018-2019 kur kryeministër qe
Haradinaj.
??Si nuk ju vjen turp që një pjesë e juaja punon
kundër shtetit të vet, dhe David Philips, megjithëse i huaj, nuk pranon, dhe
madje ka refuzuar me këmbëngulje ndarjen apo shkëmbimin e territoreve të
Kosovës? Sa poshtë keni rënë!
??Përse prokuroria nuk merr në pyetje Agim
Bahtirin, kryetarin e Mitrovicës së ndarë, për bëmat dhe deklarimet e Thaçit
për ndarjen?
Njëri
duhet të përgjigjet, të dy kanë të "drejtë"? Dhe ai që kërkon ndarje,
dhe ky tjetri që e denoncon! Sa "bukur", ky është shteti që keni
degjeneruar sot ju.
??Përse bien në vesh të shurdhët holumtimet dhe
dokumentat e gjetura, nga gazetarja e mirënjohur e shqiptarisë, Jeta XHARRO,
për lobimet? Ky është turpi dhe fatkeqësia juaj! " Por jo fatkeqësia e
kësaj gruaje burrneshë, e kësaj gazetareje të një niveli të lartë, e formuar në
frontin e luftës së UÇK-së dhe që tregon me gisht "ujkun" dhe
"ujqërit" e tjerë. Ka raportuar nga fronti i luftës për UÇK-në dhe
sot një pjesë tuajën e denoncon me dokumenta. Ju si institucione të heshtni!
Pse kështu? Shteti duhet të funksionojë dhe secili nga qytetarët duhet të mbajë
përgjegjësi për veprimet e tijë. Të lumtë Xharro! Ti je një Shote Galicë e
kohëve moderne! Intelektualët dhe patriotet si Ju i bëjnë nder Kosovës, por dhe
shqiptarisë! E natyrisht Jeta nuk është e vetme në misionin e saj në shërbim të
shtetit të Kosovës. Ka dhe shumë intelektualë, madje dhe politikanë të modelit
Kurti dhe Osmani që po punojnë në shërbim të Kosovës dhe interesave të popullit
të sajë. Nga ana tjetër mendoj se nuk duhet vetëm të përshkruajmë situatën
mjaft kritike të Kosovës në prag të "marrveshjes historike", midis
Kosovës dhe Serbisë. Padyshim që e keqja e të gjitha të këqijave për Kosovën
është Serbia, dhe politika e saj agresive dhe pushtuese ndaj Kosovës në
veçanti, dhe gjithë shqiptarëve në përgjithësi. Eshtë miopi politike të thuash
se Serbia tani ka ndryshuar, ajo don të futet në BE, ajo është bërë më
paqësore, në drejtimin e saj tani ka udhëheqës me qëndrime më demokratike
etj.etj. Të gjitha këto janë iluzione dhe nuk kanë asgjë të përbashkët me
politikën reale të Serbisë ndaj shqiptarëve. E kam thënë dhe herë të tjera, që
të arrijmë përfundime e konkluzione të sakta për sllavët e veçanërisht për
serbët politikanët shqiptar duhet ti referohen HISTORISË. E, historia jonë me
sebët është tragjike. Shpresojmë që me bisedimet e 27 qershorit të mos kthehet
dhe në një histori komike. Do kthehet në komike dhe ndoshta dhe më shumë
tragjike nëse klasa politike:
?Nuk
do të mbështetet njëherazi si nga politika e SHBA-së ashtu dhe nga ajo e BE-së.
Të dy këto fuqi të mëdha, do i bëjnë ballë Rusisë dhe për interesat e tyre do
mbrojnë Kosovën dhe shqiptarët.
?Nuk
do bashkohet dhe nuk do shkoj me një zë, ndaj një ekipi me objektiva të qarta
të delegacionit serb ndaj Kosovës.
?Nuk
do vejë vijat e kuqe Serbisë për ndryshimin e kufijve dhe shkëmbimin e
territoreve. Kjo nuk duhet të ndodhë, qoftë dhe me çdo çmim. Kosova ka dhënë
gjithçka, por nuk duhet, dhe nuk do ta japë shpirtin.
?Nuk
do heqë Thaçin nga kryesimi i delegacionit të Kosovës në Vashington.
?Nëse
nuk do të kërkojë njohje të ndërsjelltë nga Serbia.
?Nëse
nuk do kërkoj reciprocitet në marrdhëniet me Serbinë.
?Nëse
delegacioni kosovar nuk kërkon nga Serbia, që ajo të njohë krimet e luftës së
fundit në Kosovës dhe bëjë dëmshpërblimet e tyre.
?Nëse
nuk kërkon si pikë të parë, që Serbia të pranojë PAVARESINE e Kosovës. Pastaj
bisedimet...
?Nëse
Vetvendosja e PDK-ja nuk i bashkohen delegacionit të Qeverisë Hoti. Jo më përçarje.
Ka kohë zoti Kurti për ta rrëzuar, me të drejtë qeverinë Hoti.
?Nëse
Kuvendi i Kosovës nuk bën rezolutë për bisedimet me Serbinë, dhe nuk cakton
Hotin si kryenegociator.
?Nëse
bën marrveshje vetëm ekonomike siç ka deklaruar Grenell. Nuk është ky problemi.
Përgatituni, dhe me argumenta mbroni dinjitetin tuaj si shtet dhe si popull i
margjinarizuar. Merreni qetë zotërinj se Vuçiçi dhe "pasardhësit" e
tij, ndoshta nuk kanë për t'ju njohur kurrë. Kjo ka shumë shanse të ndodhë.
?Nëse
lëshon, dhe një pëllëmbë territor të saj, Serbisë.
?Nëse
nënshkruan një marrveshje të shpejtë, me arsyetimin se e duan të mëdhejtë etj.
Mos e bëni këtë! Duroni! Le të bien, dhe nja 10 apo më shumë qeveri. Asgjë.
Ngrihet dhe bëhet më e fortë, Kosova!
Delegacioni
i Kosovës kësaj radhe duhet të jetë i bashkuar, të lërë armiqësitë me njëri
tjetrin, të mbrojnë kauzën e madhe, shtetin e Kosovës. Kosovën në kufijtë
ekzistues me të gjtha resurset që ka. Koha fatmirësisht është në anën e shqiptarëve. Në rast të kundët,
ato, kësaj radhe, në asnjë mënyrë, nuk duhet të nënshkruajnë me firmën e tyre,
dështimin përball Serbisë.
Ibrahim Kabili
Tiranë më 19.06.2020