Demir Krasniqi: Tringë Smajli

Tringë Smajli    

-        Teksti, muzika dhe interpretimi : Demir Krasniqi –

Në vitin Njëmijë e tetëqind e shtatëdhjetë ,

Kishte  lindur Tringa , kjo vajzë e vërtetë .

Mu në vendin Grudë të Malësisë së Madhe –

U lind vajzë trimëresha , mu porsi sorkadhe !

Refreni :

Bini vëllezër ,  çiftelisë ,

Lahutës edhe kavallit –

T’ i këndojmë trimes  së Malësisë ,

Heroinës Tringë Smajlit !

Bijës së Grudës së këtij dheut –

Që i kushtoi jetën atdheut !

Tringë Smajli nuk ishte thirrur me dy emra

Ajo kishte lindur trime me dy zemra

Për trimëri dhe pjekuri  kalonte shumë burra

Në vitin 1870 lindi dhe krenohej Gruda

Refreni :

Bini  vëllezër ,  çiftelisë ...etj.

Tringa ishte e lindur trimëreshë e vatanit ,

Ajo ishte bija e Smajl Martin Vuksanit !

Baba i Tringës ishte bajraktar i Grudës ,

Që traditë e kishte që t’i del zot hutës !

Refreni :

Bini  vëllezër ,  çiftelisë ...etj.

Krah me bajraktarin që ishte Dedë Nika ,

Tringë Smajli e rrallë ishte ndër çika !

Ajo përherë gjendej në çdo mbledhje t’ rendit ,

Që organizonte paria e mbarë vendit !

Refreni :

Bini  vëllezër ,  çiftelisë ...etj.

N’ luftë në Malësi t’ Madhe , për ballë me armiq ,

Sidomos kur u bë mësymja në Deçiq !

Tringa n’ dorë e mbante flamurin e Shqipërisë –

Me zë  ua  dha kushtrimin luftëtarëve të lirisë !

Refreni :

Bini  vëllezër ,  çiftelisë ...etj.

I ati i Tringës , n’ forcat mbrojtëse n’ luftë –

N’ degë t’ Lidhjes së Prizrenit ishte për në Grudë !

Udhëheqës me shumë shokë , nuk lejonte fare –

Nga armiku që t’ copëtohen këto troje shqiptare !

Refreni :

Bini  vëllezër ,  çiftelisë ...etj.

Me shumë trima lufte edhe krerë të Grudës –

Dënohet për çështje patriotike , që i doli zot hutës !

Në vitin 1883 u dënua nga një ligj i  turpit –

Nga ana e Divani Harbit – Gjyqit ushtarak të turkit !

Refreni :

Bini  vëllezër ,  çiftelisë ...etj.

Dhe në vitin 1886 , u transferua prore –

Në Dinari Bekir – Anadolli Lindore !

N’ burgje t’ osmanlinjve s’ iu deshtë shumë të pres –

Ku  mbas disa vitesh , në atë burg ai vdes !

Refreni :

Bini  vëllezër , çiftelisë ...etj.

Disa vite më parë , më 1880 –

Gjatë luftës kundër armikut , të dy vëllezërit kanë dhanë jetë !

Të dy vëllezërit e Tringës – Zefi dhe Gjoni luftëtarë –

Për t’i dalë zot lirisë , mbetën të vrarë nga tradhtarë !

Refreni :

Bini  vëllezër ,  çiftelisë ...etj.

Në këtë mënyrë , ai Smajl Martini , mbeti pa asnjërin djalë –

Trungu i familjes tij , mbet pa trashëgimtarë !

Atëherë, motra Tringa , vendosi të mos martohet –

Që shtëpia  të ketë zot , e mos të shkretohet !

Refreni :

Bini  vëllezër ,  çiftelisë ...etj.

Gjilan, më 28.04.2020 v.        Demir KRASNIQI