Zemra Shqiptare

  http://www.zemrashqiptare.net/


Atdhe Geci: Vlimet

| E merkure, 27.05.2020, 10:42 AM |


V L I M E T

Teatër famëkeq i adresohet Kosovës

që Kosova të jepTrepçën e Ujmanin

të jep kishat dhe Luginën e Moravës

dhe të bie në nënshtrim të detyruar

Kot i trokas mendjes dhe mendimit,

logjika ime s´e kupton kapitullimin

Teatër famëkeq i adresohet Kosovës

Trepça Iliriane t´i faturohet Serbisë

Kush po e kërkon poshtërimin tonë

hapjen e luftave të reja në Ballkan

Ju që jetoni jashtë arsyes së kohës

Trepça nuk falet dhe as s´tregëtohet

Pa u shterru tërë gjaku kombëtar

Në Trepçë është shpirti atdheut tonë

më e gjakëta flakë e të gjithë kombit

Kosovë, si mund të jetë paqja me ty

kur pjesët të shenjta i jepen Serbisë

Zgjohu fitore nga gënjeshtra, zgjohu

se oligarkët Kosovën po e copëtojnë!…

ngritu Kosovë përreth Lumit të Ibrit

se shkoi Trepça, Morava dhe Ujmani!

Atdhe Geci - Dortmund, 2020