E diele, 09.08.2020, 03:42 AM (GMT+1)

Kulturë

Kalosh Çeliku: Dexhalli me trumbeta në Shkup merr nuse

E hene, 25.05.2020, 06:33 PM


DEXHALLI ME TRUMBETA

NË SHKUP MERR NUSE

NGA KALOSH ÇELIKU

(Valle me nalle)

Zonja Vdekje erdhi para dere

Dhe, i lakmoi çizmet e zeza:

Lëkurë krokodili. Shtrenjta!

Pyeti: Të kujt janë këto çizme?

Xhadia u përgjigjë: Një Poeti.

A, mund t’i veshi në dasëm?

Mundesh. Po, të duhen nalle

Rrëzë Çukës, mes varreve.

Bukur! Tha: Zonja Vdekje

Valle, Unë heq me nalle…

(Birrë të zezë pi te “Parku i Grave”)

Kohën e fundit u kam hipur këmbëve

Jo, biçikletës. Makinës. Autobusit.

Edhe, u grahi nëpër Çarshi. Nën Rrap

Qendrës Tregtare, hip-zbres shkallëvea:

Gati për çdo ditë nga Tre kate lartë.

Dikur, pi dy-tri birra të zeza. Akull

Te “Parku i Grave”. Pjetër Bogdani…

(Në Shkup Dita dhe Nata

i kanë ndërruar rolet)

Në Shkup, Dita dhe Nata

Sot, i kanë ndërruar rolet:

Dita është Natë. Nata Ditë.

Teatër. Gjysma e popullit

Flen Ditën. Gjysma Natën.

Qentë andacak nëpër Qytet

Macet. Dhe, lypësit rrugëve:

E kanë Ditën. Edhe, Natën.

Mëkot, Hoxha i Allahut lutet

Thirrë: Pesë vakte në minare!

Nuk e di: Kur, është Ditë. Natë

As, pse: Ulet Mali. Delë Hëna…

(Poezitë e mia në Dimër

ndezin zjarrin)

Klima në Shkup ka ndryshuar

Stinët i kanë ndërruar rolet:

Pranvera - Dimër. Drimri - Pranverë.

Bora bie në Pranverë. Shi, në Vjeshtë

Pemët, shpërthejnë në Dimër. Frute.

Vera - Vjeshtë. E, Vjeshta - Verë

Bryma i strehon lulet. Dhe, barin.

Poezitë, në Dimër ndezin zjarrin…

(Dexhalli me trumbeta

në Shkup merr Nuse)

Shkupin e kanë pushtuar kryqet

Maleve. Këmbonat bien kishave.

Gjysëmhëna, minareve xhamive

Prifti e Hoxha, i luten Allahut:

Zot, na shpëto nga koronavirusi!

Dexhalli, rrugëve me trumbeta

Dasëm në Shkup. Merr Nuse:

Mëkatarve, u vë vulë në ballë.

Mëkot, Prifti. Hoxha i Allahut

Shejtanin e përzënë me lutje:

Dexhalli me trumbeta merr Nuse.

Koronavirusi dhëdërr. “Çlirimtar”…

(Mëkot u përpoqa - Lirinë

nuk e gjeta mes jush)

Qeveria. Kryeministri më pagzuan

“Armik i padukshëm”. Shpallën:

Luftë! Vetë, u strehuan në bunkere

Popullin. Mjekët. Ushtrinë. Policinë

I nxorrën në vijën e zjarrit. Luftës.

Masa Qeveritare. Orë Policore:

Arrestime. Dënime. Karantinë.

Mëkot, Lirinë nuk e gjeta mes jush…

(Ujqërit uluronin pas Hënës

E Unë pas Xhadisë)

Ujqërit, uluronin pas Hënës

Kodër më kodër. Maleve?!

Hëna, yjet ndriçonin dhiaret:

Qengji, nuk pi ujë te Lumi

Ujin, nuk ia turbullon Ujkut.

Ujqërit, ulurojnë pas Hënës

Qielli i mashtron me Pyje. Yje:

Pula me zogj, zbretë në Lëmë.

Arusha e Madhe: Valle, pas porte…

(Bora në Kopësht

bie deri në brez)

Bora në Kopësht bie deri në brez

Qielli i kreh flokët. Mjegullat.

Drithin e bluajnë në mulli miell

Mullisi Plak e shtron vetë sofrën.

Udhëtari i Natës, troket te porta

Konak kërkon ta kalojë Natën.

Dimri zbretë nga malet Pemëve

Gunën e bardhë, hudhë krahëve…

(Lumi nuk i respekton

masat e Qeverisë)

Lumi, nuk rri dot në karantinë. Shtëpi

Nuk i respekton as masat e Qeverisë.

Gur më gur, zbretë nga majëmali:

Pa maskë. Frikë, nga koronavirusi.

Nuk i lanë duart me sapun. Distancë:

Dy metra larg, nga liqeni. Dhe, Deti.

Lumi, nuk i respekton masat e Qeverisë

Nuk ua vë veshin porosive Kryeministrit.

Nuk ia ndi për Orën Policore. Arrestime:

Dënime. Dhunë. “Armiku i padukshëm”…

(Mikja Di delë nga shtrati

si një Qershikuqe)

Mikja ime Di, delë nga shtrati

Si një Qershikuqe, plotë fruta:

Degët përtokë. E kokën në Qiell

Them, me vete: Si nuk jam rrëzuar

Gjithë Natën u kacavirra degëve?!

Mikja ime Di, delë nga shtrati

Si një Qershi e kuqe, plotë fruta:

Them, me vete: Imzot, Unë të gjitha

I hëngra! Nuk lash së paku dy kokërra:

Meze për raki rrushi nën Rrap. Nesër?!

Mikja, të më përcjellë te porta. Shtëpia…

(Vetminë time e zhvesha

si gjarpëri lëkurën)

Vetminë time e zhvesha

Si gjarpëri lëkurën e vet:

Dhe, hyra te “Parku i Grave”

Sa shumë janë rritë dëllinjat!

Strehimoret pisha. Çati

Që, na strehuan Dimrit.

Kur, na zente. Shiu. Bora

Me një dorë bar nën kokë

Qafëpërqafe, na zgjonte Dielli.

Vetminë time e zhvesha Sonte

Si gjarpëri lëkurën. Helmin…

(Largpamësi)

Në Kopështin tim Dimrit Madh

Bie borë mbi strehet e çative.

Pemët veshin gunat. Stuhive

Bari fsheh kokën. Ftoni shokët.

Zjarri delë nga oxhaku. Tymi

Xixa - xixa me yjet Qiellit:

Dielli fsheh kokën pas malit

Hëna e plotë i ndriçon pyjet.

Pranvera zbretë në Kopësht

E zgjon barin. Lulet. Ftonin.

Vargun tim Plak. Largpamës…

Shkup, 21 maj 2020 (karantinë)



(Vota: 17 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora