E premte, 29.03.2024, 11:30 AM (GMT)

Kulturë

Albert Habazaj: Zotëruesi i botës

E merkure, 06.05.2020, 09:09 AM


Zotëruesi i botës

Nipit tim 7 muajsh, Mares Habazaj

Nga Albert Habazaj

Sot mbushi shtatë muajsh nipi e s’fjeta,

Me frymën e mallit gjumin e trëmba,

Sa qejf që Maresit i duket vetja

Princ i kaltër i ëndrrave të ëmbla.

Mes lodrave si zotërues i botës,

I ka të tijat të gjitha gjërat,

Nuk është trazovaç, edhe pse gojës

I paduruar kërkon t’ia hedhë të tëra.

Edhe pse gjithçka e fut në gojë:

Kukulla, celular a pult televizori,

Ngaqë ka liri të bëjë çfarë të dojë,

Rri serioz e mban qëndrim perandori.

Mares bukuroshi është trimosh i babës,

Më duket si dragua me shtatë zemra,

Si Mbreti Luan në botën e përrallës,

Si ketër këmbëshpejti në rrethoren brenda...

Aty qesh, aty qan, sipas situatës,

Një sekondë nuk do të rrijë vetëm,

Përzien lodrat, i ha veshin xhirafës,

Një lodër flak tutje, zgjat dorën për një tjetër.

Shtatë mrekullitë e botës së lashtë

S’janë gjë para Syrit me shtatë drita,

Maresit nuk i intereson bota jashtë,

Kapedani e ka aty botën, me të gjitha!...

Tek ajo rrethore, (sinonim i djepit)

Kur bën mëkatet e vockla fëminore

Më ngjan si estetikë e universit,

Ç’lirikë me shtatë notat muzikore!

Përqafim digjital nga Gjyshi dhe Gjyshja

03.05.2020, 23:55’

[Ujë i Ftohtë, Vlorë, karantinë shtëpie]



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora