Gani Mehmetaj: Jo vakt dreke, por kohë dreke

Jo vakt dreke, por kohë dreke

Vetëm boshnjakët myslimanë e përdorin fjalën arabe vakt dhe Fjalori i Gjuhë së sotme Shqipe

Nga Gani Mehmetaj

Fjala arabe vakt shqip përkthehet kohë. Nuk ka kush qe i bind bashkëkombësit e mi përtej Drinit se kohës së drekës në gjuhën shqipe nuk i thuhet vakt dreke, sepse vakt arabisht dmth kohë. Fjalori i Gjuhës së Sotme Shqipe në mënyrë të çoroditur fjalën arabe vakt e ka futur në thesarin e shqipes, ndërsa e shpjegon me fjalën shqipe kohë. Pra Fjalori i ka çoroditur përkthyesit e filmave dhe gazetarët, të cilët në vend kohë dreke e thonë vakt dreke. Edhe më e çoroditur tingëllon kur thonë e hëngra një vakt, që shqip përkthehet e hëngra një kohë.

Asnjë shqiptar i Dardanisë, në asnjë rrethanë dhe në asnjë medie nuk e përdor vakt dreke, vakti i drekës, por kohë dreke, koha e drekës.

Vetëm boshnjakët myslimanë e përdorin fjalën vakt ( serbo-boshnjakisht vakat) dhe Fjalori i Gjuhë së sotme Shqipe.

Përkthyes të medie shqiptare: Hiqeni këtë shprehi të çoroditur se e turpëruat vetën, sepse sajuesit e Fjalorit nuk i zë turpi.