Vahit Nasufi: Bilbilit të Pollogut

Vahit Nasufi

BILBILIT  TË  POLLOGUT

Në shejë respekti dhe urimi, me rastin e ditëlindjes

Gostivari, djep i kulturës,

Aty rrjedh kënga si uji prej gurrës,

Si buron n`Vrutok, lumi i Vardarit,

Kënga buron, prej Maksut Deharit!

„Bilbili Pollogut“, atij i thonë,

Por,s`është bilbil, që fluturon,

Është bilbil, që bukur këndon,

Bilbil është dhe kur ligjëron!

Më 6 maj, të dyzet e treshës,

N`Gjenovicë, lindi ylli i shpresës,

Fëmijërinë të lumtur aty e kaloi,

Shkronjat e alfabetit aty i mësoi...

Rrjedh nga një familje bujare,

Patriotike, atdhetare,

Një familje shumëantarëshe,

Por, arsim dhe artdashëse!...

Është i ndershëm si qytetar,

Me kulturë, karakter fetar,

Profesor është me profesion,

Është gojëmbël kur bisedon!

Si koleg, shok dhe mik,

Ndaj secilit është besnik,

Ndaj të varfërit ka mëshirë,

S`e le zbrazët dorën e shtrirë.

Ky gojëbilbil i Pollogut,

Në cilësinë e pedagogut,

Të gjithë nxënsit që i mësoi,

Si fëmijët e vet i trajtoi!

Për arsimin është një pishtar,

Për këngën është një sylynjar,

Për melosin burimorë,

Është si zemra në krahërorë!...

Maksut Dehari, i madh si artist,

Si rapsod edhe si solist...

Emrin populli kur ia përmendë,

I thotë - ikonë, yll dhe legjendë...

Ky kantautor, kudo i mirëpritur,

Frenetikisht i duartrokitur,

Si këngëtar mori shumë çmime...

Shumë dekorata dhe shpërblime!

Një duet, që të linte mbresë,

Kur këndonin, mixhë e mbesë,

Si bilbil dhe kanarinë behari,

Maksut dhe Dashurie Dehari!

Janë ca raste që s`i harron kurrë,

Kur të jatin ia vret një veturë,

Rasti tjetër, në dasmën e djalit,

Pretekst ishte ngjyra e kalit!

Pse ngjyra e kalit ishte e bardhë,

Një vendim shpejt i ka ardhë!

Në atë vendim i paskan shkruar,

Se nga puna e kanë larguar!

Por, rapsodi nuk dorzohet,

Me punë tjera angazhohet,

Familjes bukën ia siguroi,

Jetën të lumtur, e vazhdoi!

Rasti i tretë që e shqetësoi,

Zëri melankolik, atij kur i shkoi!

Zë të bukur, kishte me t`vërtetë!

Shahir ka qenë, i till do t`jetë.

Vlen të përmendet për lexuesit,

Se është njëri ndër themeluesit,

Të SHK „BESA", nga Gostivari,

Kryetar i saj, Maksut Dehari!

Kontributi tij, s`paguhet me ar,

Këngë të bukura plot një thesar,

Këtij doajeni, dhe një epitet,

„Enciklopedi" - kjo është realitet!

E ndiej veten të priviligjuar,

Këtë rapsodi që ia kam kushtuar,

Për legjendën - Maksut Dehari,

Kolos i këngës, nga Gostivari!

Vepra t`mëdha, ai ka bërë shumë,

Si me këngë, ashtu dhe me punë,

Por, kjo që kam shkruar unë,

Sa një gotë ujë, ta derdhësh n`lum!

Kërçovë, maj 2020