E premte, 29.05.2020, 02:57 PM (GMT+1)

Kulturë

Kalosh Çeliku: Pas “armikut padukshëm” vjen Maji i Bukur 2020

E enjte, 09.04.2020, 10:16 AM


PAS “ARMIKUT PADUKSHËM” VJEN MAJI I BUKUR 2020

(Aty ku hynë rakia e rrushit,

Mikja Di me Dy shtamba verë.

Dhe, Dielli. Nuk hynë mjeku…)

NGA KALOSH ÇELIKU

(Pranverë e sëmurë)

Pranverë e sëmurë! Edhe, ti një ditë

Papritur, do vdesësh nga koronavirusi.

Vera me katër krah, përcjellë në varr

Policia, përmbrapa pa funeral. Rituale.

Pranverë e sëmurë, me koronavirus

Burra e gra, i shtive në karantinë:

Ty, kush do të të shti pa lule në Varr?!...

(Rrapi)

Ti shpërtheve, edhe këtë Pranverë

I sëmurë. Plagë, me koronavirus.

Edhe pse, Borë e madhe ra në Shkup

E mbuloi “Bit-Pazarin”. Shpërthimin.

Nuk t’i shëroi dot plagët. Dashuritë

Vetëmevete, thirre: I përzunë zogjtë:

Macet. Qentë endacak. Dhe, poetët.

O burrë, durim! Prite Majin e Bukur

Majin e luleve. Gratë tua azgane!

Me siguri janë rrugës. Janë nisur

Dhe, kësaj radhe krushqit me poezi

Patjetër, nën hije do zbresin Nuse…

(Gratë e mia besnike në Shkup

nuk kam të drejtë t’i përqafoj)

Miken, e takoj nën Rrap, “Bit-Pazar”

Nuk kam të drejtë ta përshëndes afër.

Dhe, as t’ia zgjas dorën. Përqafoj

Urdhëri, është: Rri, dy metra larg!

Mos pi raki rrushi! Laj duart me sapun!

Edhe, Gratë e mia besnike në rrugë

Kur i takoj: Koronavirusi, më thotë:

Mos i përqafo! Rri, dy metra larg!...

(Bora ra mbi qershinë

që posa çeli lule)

Borë, këtë vit ra mbi qershinë

Që, posa çeli lule. Edhe, atë:

01 prill 2020. Prag të Pranverës.

Koronavirusi, na priste te porta

Derën t’ia hapim, hyjë n’oborr:

Ftonit, i sulet para syve shtëpisë.

Borë, këtë vit ra në Shkup. Male

Edhe, atë: Pranverën e sëmurë.

Gunën krahëve, na solli Dimrin…

(Botë e burgosur në karantinë

nuk ke derë nga ikë)

(Gëzim Krujës)

Mend nuk mbaj si fëmij. As, Rini

Dhe, deri më Sot, nuk kisha parë:

Kufomat, përcillen me katër krahë

Polici, në varr. Tre-pesë Familjarë.

E pash, Sot në televizor. Edhe, atë:

Kur iku vetë Gëzim Kruja. Humorist

Që, me humor mbajti Shkodrën gjallë.

Shkodra: Sot, e përcillte me pak veta

Dhe, polici pranë “Migjenit”, në varr.

Botë e burgosur, Sot në karantinë

Shtetrrethim. Nuk ke derë nga ikë…

(Sesi të dal jashtë mureve

arratisem larg në Pyll)

Para, se: Të më shtinë në karantinë

E pyes Veten: E di, në cilën Shtëpi?!

Jo, përgjigjem. Në “Parkun e Grave”.

Përpara Kuvendit. Pjetër Bogdanit

Roje, e dashurive rrugaçe. Beqarisë.

Ujk plak jam, në dhomë mes librave

Përballë dritareve, një qershi. Lule.

Përkrah një Ftoni, që pret Vjeshtën

Unë mbi tavolinën e punës me poezi:

Sesi, të dal jashtë. Ikë larg, në Pyll.

Nuk jam vetëm në burg. I kam kojshitë

Qelitë e tyre. Gjithë, Shqipërinë. Botën.

Çelësat e burgut tingëllojnë. Hapen qelitë

Orar për pleq e të rinj. Vikendet, nën dry.

Vetëm kafshët e buta dhe egra rrugëve

Sot për sot: Grupe-grupe janë, në Liri…

(Edhe “Zona e Lirë”

në karantinë”)

(Kumanovës Heroike)

“Zonën e Lirë”, me shekuj Historike

Dje, nuk e trembi Krajl. As Mbret.

E, as Lufta e vitit 2001 -shit. Bombat

Koronavirusi, e strehoi në Karantinë.

“Zona e lirë”, që s’i dorëzoi Dje, armët

Edhe, atë: Gjendje lufte. Bombardime:

Sot, në paqe: Vetë, u mybllë në shtëpi…

(Një rafall “automatiku”

ia shkrepa në ballë)

Dy shtambat me verë, ndizen flakë

Mbi çati. Natën, këndon Zog Keqi.

E, di. Ndjellë, kob. Edhe, karantinë

Dhe, sulet tinzaku me Koronavirus.

Panikë. Frikë, në ekranet televizive

Gjatë, 24 orëve: U prekën nga virusi

Edhe, 70 persona. 15, dolën pozitiv

21 negativ. 11 veta, dolën nga spitali.

Gjithësejtë: 127. 19, janë viktima.

Nonstop, e bombardojnë populliin

Përditë, e përnatë me këto lajme.

Porosi: Mbani maska! Lani duart!

Rrini në Shtëpi! Mos dilni në rrugë

Rrini larg, dy metra edhe me gruan!

Edhe, kush i jep këto këshilla. Mësime

Qeveria, që deri dje na plaçkiti. Vrau:

Rrugëve na la, edhe pa bukën e gojës.

Horrat, sot me fjalë na duan marrëzisht?!

O burrë! Lapsin, Sot nxirre nga brezi.

Vargun, mbushe barot: Raki rrushi!

Shkrepja në ballë, “armikut padukshëm”

Përcille me katër krah. Polici, në varr.

Struken hudha në Lëmë. E nxorra Lapsin

Një rafall “automatiku”, ia shkrepa në ballë…

Pas “armikut padukshëm”

vjen Maji i Bukur 2020)

Edhe, pas “armikut të padukshëm”

Rrugës, vjen Maji Bukur me lule.

Këngët e zogjëve. Çerdhet e lejlekëve

Ecejakjet e kanarinave. “Parku Grave”.

Rrapi nën hije: I thirrë miqtë poetë

Ringjallet me poezi. Dhe, serenata:

Mjaftë, “dashuri”! Burg, në karantinë…

Shkup, 09 prill 2020 (karantinë)



(Vota: 8 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora