Zemra Shqiptare

  https://www.zemrashqiptare.net/


Jusuf Zenunaj: Mbrapahija

| E merkure, 29.01.2020, 07:12 PM |


Jusuf Zenunaj:

MBRAPAHIJA

Atë e vunë përpara

dritë t'u bënte si fanar

e rrushin prej pjergullës

për vete me marrë !

Shpejet sikur era e malit

zhveshur doli mbrapahija !

Në pazar s'i i bleu askush

arrat e përziera me lajthia.

J.Z., Dilbeek, më 29 janar 2020

HANKO HAALA E HISTORIA

Sapo u zgjova në mëngjes,

dëgjova një lajm të ri,

linja Prishtinë- Beligrad hyka në histori

!

Sa e madhe paska qenë kjo historia jonë

edhe të mëdhenjët, kur kullën

në Washington , Berlin , Londër a në Bruksel,

historia jonë një numër të ri merr !

E mjera unë , Hanko Halla,

që u matufosa nê këtë pleqëri,

mendja nuk ma përthekon

çka hyri në histori !?

Nuk po e marr vesh moj loke

këtë historinë tonë të re,

përpos dëshmorëve

nga dy-tre heronj për lagje i ke !?

J.Z., 27 janar 2020

EDHE LARG PRAGUT TIM

Rrokjet m'i brejti koha

fjalët s'i them dot,

diellin që ëndrrova s'e pashë dje,

as hënën nuk e shoh në mbrëmje, sot !

Dritërimat tretëshin ,

treteshin sikur shkumëzat n'ujëvarë,

bashkë me të tjerët prisja rrezet

si ngjyrat e ylberit në Dri të Bardhë.

Edhe larg pragut tim

mbrapa me ndoqen plot hije,

se diellin doja dhe dua ta shoh,

as hëna të mos mbetet në hije.

Nata thonë s'ka ispatë;

në mjegull çfarë ka shkëlqim?!

Shpresa nuk gjallon kot

fjalët si uji burimi , do të vijnë...

J.Z., 26 janar 2020