E marte, 19.03.2024, 09:53 AM (GMT)

Kulturë

Sevdail Hyseni: Lugina ''unike''

E diele, 19.01.2020, 09:36 AM


Sevdail Hyseni

Satirike

LUGINA "UNIKE"

Kësaj radhe Lugina,

Ka vendosur drejt...

Me Listën "Unike"

T'ngjitet n'Parlament!

Me një Listë bashkë

Që s'e kish' më parë,

T'i shtoj deputetët

Në dy-tre shqiptarë!

Vetëm të bashkuar

"Marrëveshja" e lyp,

Parlamenti serb

Të flas edhe shqip!

Madje dhe të tjera

Gjëra me gjithë mend,

Nga Lista Shqiptare

Shtrohen n'Parlament!

Për Gjuhë e Flamur

S'do të ketë rrezik,

Simbolet kombëtar

Zgjidhen në praktikë!

Kush e ka fatin

T'mbetet n'opozitë,

Nuk e ka hallin

T'merret me kritikë!

Se pas zgjedhjeve

Që i kemi në prill,

Disa do të struken

Si ariu në pyll!

Mjaft me marifete

Se na doli shpirti,

Nga disa "zangoçë"

Që u thahet fyti!

Nga goja me "fjalë"

Bashkim për Luginë,

E nga ana tjetër

I kërcejnë mbi shpinë!

E kapin nga koka,

Krahët edhe këmbët,

Duke ia treguar

Një nga një dhëmbët!

Mirëpo, kjo Lugina

E ka një si ves,

Ndryshe i "nderon"

Njerëzit e pabesë!



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora