E shtune, 11.07.2020, 07:03 PM (GMT+1)

Komente

Blerim Latifi: Qeveri e unitetit kombëtar

E shtune, 11.01.2020, 12:17 PM


Qeveri e unitetit kombëtar

Nga Blerim Latifi

Dështimi i Vetëvendosjes dhe LDK-së për të formuar qeverinë, duket se i bën të pashmangshme zgjedhjet e parakohshme. Partitë tjera me gjasë nuk janë të gatshme për një formulë tjetër të koalicionit qeveritar. Nuk është demokratike kur koalicioni postzgjedhor nuk e pasqyron rezultatin e zgjedhjeve. Por, edhe zgjedhjet e parakohshme nuk premtojnë të sjellin zgjidhjen e duhur. Gjasat më të mëdha janë që edhe pas tyre do të kemi situatë ngërçi të njëjtë, sikurse e kemi tani. Pra, rrezikojmë që edhe për një gjysmë viti tjetër të mos kemi qeveri që funksionon në kapacitet të plotë ekzekutiv. Qeveria teknike është një variant tjetër i humbjes së kohës. Mbase gjëja më e duhur është formimi i një qeverie të unitetit kombëtar, e cila brenda një viti do të përfundonte marrëveshjen me Serbinë, do të bënte reformën zgjedhore, si dhe ndryshimet kushtetuese për ta nxjerrë institucionin e presidentit nga negociatat partiake të ndarjes së pushtetit, duke e vendosur zgjedhjen e tij të drejtëpërdrejtë nga populli. Në këtë mënyrë shteti do të dilte nga bllokada e dyfishtë në të cilën ndodhet : nga bllokada në politikën e jashtme dhe bllokada në politikën e brendshme. Natyrisht, krejt kjo bëhet e mundur nëse politikanët e vendosin interesin shtetëror, para interesit të egove të tyre për pushtet.



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora