E premte, 10.04.2020, 10:54 AM (GMT+1)

Kulturë

Sevdail Hyseni: Partitizmi

E shtune, 11.01.2020, 10:00 AM


Satirike

PARTITIZMI

Anembanë shqiptarisë

U rrit gëzimi u bë mal,

Me të mirat varg e vi

Në sistemin tonë plural.

Për t’i dalë vendit “Zot”

S’mbeti kush në periferi,

Nga Presheva në Prevezë

Pa u "ngul" nëpër parti!

Me të gjitha "vlerat" sot

I ra hise çdo shqiptari,

Pa menduar me nxitim

Të radhitet diku i pari!

Me tamam sikur atëbotë

Kur “partia” pa të keqe,

Duke ecur me premtime

Sall ëndërronte privilegje!

Ndaj dhe sot sikur dje

Pa dallime e ndryshime...

Ç'ka kujtoni këto partitë:

Nëpër vezë kërkojnë qime?!

Jo të dashur, miq t'satirës

Këtë mesele e di çdokush,

Kjo i bie si të themi...

Me hip n' kumbull me lyp rrush!

Mes partive ka një rregull,

Kush të ngele në opozitë,

Mos t'i hipe pelës prapë

Se nuk ngjitet në pozitë!

Në bashkësi me shumë parti

Merren krundet shpesh për miell,

Siç e thotë një fjalë e urtë:

- Lavdi n’qiell e bytha n’diell!

Sevdail Hyseni



(Vota: 0)

Komentoni
Komenti:


Gallery

Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora
PËLLUMB GORICA: MURET CIKLOPIKE QË SFIDOJNË SHEKUJT