E merkure, 15.07.2020, 08:22 PM (GMT+1)

Kulturë

Shyqyri Fejzo: Piramida e inatit

E enjte, 09.01.2020, 08:04 PM


Shyqyri Fejzo

Piramida e inatit

Piramidën tonë të inatit

E mallkojmë nga na erdhi

Ja lëmë genit apo fatit

Helm e vrer tek ne derdhi

Nuk janë pak inatet tona

Na arratisën buzqeshjen

Fund e krye në mes prona

Në gjyqe e kemi ndeshjen

Ambicjen vura në bazë

Për divorcet gjynahqarët

A e dini se këtë rradhë

U dashkan dhe celularët

Në bazë u vendos krevati

Sipas mendjes të disave

Aty bënte gjumin  inati

Në mes jastëkut  të grave

Në bazë vura kësaj here

Të gjithë e dinë historinë

Për inat të asaj  vjehrre

Shkoi e fle me mullixhinë

Inatçinjtë i paskan ndarë

Në kategori pas lartësisë

Qëndrojnë në vend të parë

Të dikastereve e ministrisë

Pak më lart gjykata rrri

Shohim aty prokurorinë

Vra e pri e gjak mos kri

Vendosa  dhe  gazetarinë

Rrotull në e sjelltë dhe fati

Në këmbë  hyri një gjemb

I shkumëzohen  keq inati

Turren:”dhëmb për dhëmb”

I zemruari, i turbulluari

Hakmarrjen e ka të lehtë

Plagë hapur le i mallkuari

Për shoqëri e atë vetë

Në garën një ra nga kali

Inati helmi  ndodhet aty

Zjarr nis e nuk di të ndali

Kurrë përballë e sy në sy

Problem i madh mbetet kulmi

Kush do vendoset, e pret bota

Tani hapur po duket zullumi

Inatçinjtë paskan ngrënë koka

Nga kulmi  fort po bërtet inati

Dëgjoni të rinj dhe ju  të vjetrit

Shpejt këtu bëhet kampionati

Mballosjani mirë njëri-tjetrit

Si ajo që u bë  me mullixhinë

Nga inat i Europës  hop në Kinë

Kemi shengenin  dhe Sërbinë

Kemi miken e vjetër Turqinë

Kulmi i piramidës, sherr pa hesap

Mendime ndryshe, e shumë fjalë

Në fund i vendoset  goxha cjap

Mes gomerëve cjapi  duket kale

Duhen mend duhet dhe pak fat

Koha ka ardhur e po na kalon

Që i helmëti e mërzitshmi inat

Ta qërojmë, a nxjerrim në pension



(Vota: 0)

Komentoni
Komenti:

Video

Entela Binjaku: Denonconi dhunen kunder gruas


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora