Doli libri i ri ‘’Metapolitika’’ i autorit Gjon Keka

Doli libri i ri ‘’Metapolitika’’ i autorit Gjon Keka ; botues Lena Grafik Prishtinë:

"Edhe në këtë botim të radhës! Një cikël leksionesh me vlerë në ndihmë të studentëve dhe njohuri për këdo që ka interes për politikën."

[Vlerësim për librin nga znj. Dhurata Agalliu - redaktore]

Qëllimi që po e ofroj këtë vepër e që besoj se do të jetë me interes te ne është nevoja për ta ringjallur Metapolitikën si fushë, si koncept te katedrat tona të universiteteve dhe te studiuesit që duan të merren me të. Nëse më duhej të shkoja më tej, mund të kisha zgjedhur një titull tjetër. Por, në fakt, shtysa për ta risjellë Metapolitikën që e shpikën filozofët gjermanë ka qëllim që kjo lëmë, ky koncept, në të ardhmen të bëhet te ne temë e trajtimeve dhe e fushës, sepse shkenca politike ka vërtet nevojë për një gjë të tillë. Libri ...mendoj se e plotëson kornizën që më dukej e përshtatshme për të veçuar dhe ndriçuar çështjet politike, shtetërore, ligjore në kuptimin metapolitik.

Ky libër mund t'I shërbejë studentëve dhe ligjëruesve në fushën e Shkencave politike dhe Filozofisë.

Libri mund të gjendet në Libraria Dukagjini dhe Libraria Artini-Toena.