E premte, 29.03.2024, 12:32 PM (GMT)

Kulturë

Elda Andrea Kokoneshi - Poezi

E hene, 06.10.2008, 02:19 PM


Elda Andrea Kokoneshi

''Pershendetje bashkekombasve te mi kudo qe ndodhen!''

Rinia perandore pa fron

Rinia
si një perandore pa fron
shtegton furishëm
nëpër mjegullën e kohës
drejt së ardhmes.

Me ecje të shkujdesur,
me një trastë pasionesh,
ëndrrash e planesh
për të ardhmen,
me shikim zhbirues
ndaj zjarreve flakëruese
të mprehtësisë,
skicon të ardhmen e saj
në histori.

Në debatet
anthropologjike
argumenton
kategorimatikisht
ndeshjen me jetën.

Janinë 10 – 07 – 06

Mëkatova?

Një herë pyeta vetveten:
- Mëkatova? Ajo m’u përgjigj:
- Nuk e di.
Pastaj pyeta: Malin, detin, erën.

Mali rrinte serioz, nuk fliste,
deti dallgët fort përplaste,
era zërin tim s’e qaste.
Më pas pyeta :
Barin,
arin,
bletën.
Bari qaraman
s’më fliste, dikush e godiste,
ari po shkëlqente, nisi të gënjente,
bleta u largua.
- Mos më pyet mua
Pastaj u largua.

Pyeta edhe yjet, diellin, hënën.
Por, ata më thanë të pyesja nënën.
Nëna
më puthi me dashuri
duke më thënë:
Vetëm Zoti e di.

Elbasan 1992

Shtrëngoj një grusht me dhé

Në pëllëmbën time që dridhet
shtrëngoj një grusht me dhé
me sypërlotur e zemër trazuar
që mora kur ika nga ty atdhe.

E futa në trastën time të mallit,
të varur rreth shpirtit tim
ta shoh përditë me sytë e ballit,
ta prek, ta ndjej me përmallim.

Rethimno - Kretë - Greqi. 11/10/1997

Mirëmëngjes o shteti më i ri në botë!

Mirëmëngjes o shteti më i ri në botë!
Të përshëndes me zemër flakëruar
nga liria jote.
Kosovë e paepur
në shtigjet e përflakura të lirisë,
Rrofsh e qofsh deri në amshim!
Amin!



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora