E enjte, 28.03.2024, 09:57 PM (GMT)

Kulturë

Demir Krasniqi: Fatime Hyseni – Nëna e tre Dëshmorëve të Kombit

E diele, 22.09.2019, 10:06 AM


FATIME HYSENI – NËNA E TRE DËSHMORËVE TË KOMBIT

- Teksti , muzika dhe interpretimi : Demir Krasniqi -

Në vitin Dymijë e nëntëmbëdhjetë ,

Në muajin Shtator , më datën tetëmbëdhjetë –

Në fshatin Vërbicë , të trimave të vërtetë ,

Nëna e 3 dëshmorëve , kishte ndërruar jetë !

Çiftelia ime , nuk del prej dyzenit –

Do t’ ia këndoj një këngë Fatime Hysenit !

Ishte sinonim i nënës fisnike ,

Trimëreshë malësore , mikpritëse besnike !

Fatime Hysenit , prej fshatit t’ Vërbicës –

Simbolit t’ qëndresës  dhe  të sakrificës !

Me fshat të Vërbicës , krenohet Zhegoci –

Për trima  t’ sakrificës nuk i gjendet shoqi !

Fatime Hyseni , nuk ka shoqe t’ globit –

Ajo ishte nënë e tre dëshmorëve t’ kombit :

Ramadan , Shaban dhe Ilmi Hysenit ,

Tre dëshmorë të kombit , krenarë të këtij venit !

Në mesin tonë , nuk është më Nëna Fatime ,

Por, vepra e saj prej heroine trime –

Në shërbim të atdheut , me vepra t’ vërteta ,

Do të jetojë fuqishëm për sa të jetë jeta !

Është një rast i rrallë , që një nënë plot trimëri –

Ia dhuron atdheut tre djem për liri !

Plot me dinjitet dhe vendosmëri ,

Deri n’ frymën e fundit qëndron me krenari !

Sot, jetojmë të lirë në troje të Dardanisë –

Në saje të kultivimit të ndjenjës së lirisë !

Nga Nëna Fatime për bijtë e saj të trimërisë ,

Që nuk e deshën jetën nën thundrën e robërisë !

Kjo Nëna  Fatime – krenaria jonë ,

Vështirësi të jetës ka pasur gjithmonë !

Ashtu si të gjitha nënat e heronjve herët edhe vonë

Dhe njerëzve që janë flijuar për  atdheun tonë !

Nuk ka qenë e lehtë për të , për shokët e qytetarët –

Periudha , kur armiku donte të shfaroste shqiptarët !

Por , që me vetëdije të plotë , vendimtarë edhe me besë –

Djemtë e Nënës Fatime , u vunë në rreshtin e UÇK-së !

Vullnetarisht iu rrekën luftës me armë në dorë –

Përfundimisht i dhanë goditjen armikut shekullorë !

Të rralla janë nënat , prej qytetit dhe katundit –

Që i përcollën djemtë për sakrificën e fundit !

Pas një sëmundje të shkurtë , ka ndërruar jetë Fatime Hyseni –

Nëna e tre vëllezërve dëshmorë : Ramadan , Shaban dhe Ilmi Hyseni !

Nënë Fatimja , edhe pse me gjysmë force dhe me shumë dhimbje e vaj –

Arriti t’ pritë e t’ përcjellë qytetarë nga gjithë Kosova , edhe përtej saj !

Krahas dhimbjes për rënien e tre djemve të saj për lirinë e atdheut –

Krenaria ishte më e madhe për të , si pasardhës të Skënderbeut !

Arriti ta përballonte dhimbjen edhe ligësinë ,

Sepse e kuptoj saktë se djemtë e saj fituan pavdekësinë !

Gjilan, ( e Mërkurë ) më 18.09.2019. Demir KRASNIQI



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora