E enjte, 22.08.2019, 02:42 PM (GMT+1)

Komente

Florim Zeqa: Putinizimi i LDK-së!

E diele, 04.08.2019, 08:20 PM


Putinizimi i LDK-së!

Shkruan: Florim Zeqa

Për fatin e keq të vendit, dolën të jenë plotësisht të sakta parashikimet e mia, se Kuvendi i IX-të Zgjedhor i LDK-së, nuk do të jetë më shumë dhe as më pak sesa reprizë e kuvendit të VIII-të dhe përseritje e zgjedhjeve të fundit nëpër degë!

Baza deleguese për Kuvendin e IX-të, e zgjedhur me direktivat e mbështetësve të liderit aktual, përkatësisht nën urdhërat e kryetarëve të degëve dhe grupeve të interesit, ishte garancë e fuqishme e klanit aktual për ruajtjen e vazhdimësisë së kapjes së LDK-së.

Kjo është e vërteta e hidhur e ruajtjes së vazhdimësisë së kapjes dhe uzurpimit të LDK-së nga grupet e interesit. Për të qenë ironia edhe më e madhe, pas arritjes së cakut, eskponentët e sapozgjedhur dalin në opinion dhe tallen me elektoratin me slloganin e njëjtë "Tradita vazhdon",...për LDK-në vendos vet LDK-ja,...kjo shtëpi e madhe, me vlera politike, intelektuale që tejkalojnë përmasat nacionale,...me 3 gusht të gjithë bashkë dhe të vendosur".

Pikërisht sejmenët e Isa Mustafës u treguan më të vendosur se asnjëherë më parë për zgjedhjen më të gabuar për LDK-në.

Vazhdoi tradita e abuzimit me vullnetin e elektoratit rugovian edhe në kuvendin e IX-të LDK-së

Rizgjedhja me aklamacion e  kryetarit me "konsensus" diktatorial, është përseritje e një mendësie të vjetëruar komuniste. Ky veprim skandaloz i zgjedhjes së kryetarit monstruoz përveqse dhunim i demokracisë, paraqet shkeljen dhe shpërfilljen më të lartë të vullnetit te elektoratit rugovian.

Aplikimi i praktikave komuniste në subjektin më të vjetër demokratik i ngulfati reformat dhe pengoi dryshimet aq të nevojshme e domosdoshme për ndryshimet substanciale jo vetëm në LDK.

Me këtë mënyrë antidemokratike të zgjedhjes, gjegjësisht të shmangies së votimit, aklamacionistët dhe puçistët në LDK forcuan akoma më shumë pozitat e tyre, duke u dëshmuar se janë vërtetë uzurpatorë të gjithëpushtetshëm në këtë subjekt politik.

Aklamacioni, përkatësisht shmangia nga vota e fshehtë është praktikë e regjimeve totalitare, gjegjësisht e diktatorëve dhe uzurpatorëve të pushtetit.

Mbrojta e "aklamacionit" duke u thirur në elasticitetin e statutit (të parenovuar) të partisë, është mbrojtje e klaneve mafioze dhe pengimit të reformave në këtë subjekt politik.

Sikurse zgjedhjet nëpër degë, ashtu edhe kuvendi i IX-të e dëshmoj se LDK-ja as kësaj radhe nuk arriti të  reformohet, këndellet e forcohet ashtu siq e dëshironte elektorati i saj, përkundrazi ndodhi bunkerizimi akoma më i madh pas liderit diktatorial të partisë.

Përfundimisht, pas putinizimit të LDK-së, me këtë produkt me afat të skaduar të zgjedhjeve të brendshme në LDK, më këto struktura udhëheqëse, më këto figura përverse politike, më shumë biznesmen milionerë dhe matrapaz sesa udhëheqës politikë, LDK-ja jo vetën që nuk ka gjasa teorike të fitoj zgjedhjet e jashtëzakonshme, përkundrazi do të përballet me shthurje totale të partisë, për arsye se të sapo zgjedhurit janë figura të konsumuara, jo kredibile, të dështuara dhe të urryera nga elektorati rugovian dhe ai kosovar në përgjithësi.

Rizgjedhja e monstrumit politik, fundi i iluzioneve për ndrsyhime në LDK

Me rizgjedhjen e monstrumit politik, Isa Mustafa në krye të LDK-së përmes konsensuesit të turpit dhe mashtrimit, ndodhi marrëzia më e madhe politike e dekadës së dytë të shekullit 21 tek shqiptarët.

Sikur përbërja e KP të LDK-së (355 delegatët), të ishin shprehje e vullnetit të elektoratit të LDK-së, të shtunën më 3 gusht 2019 do të ndodhte ndryshimi i madh në këtë subjekt politik. Që në fillim të punimeve të kuvendit do të hudhej poshtë zgjedhja e kryetarit konsensuar, gjegjësisht do të parandalohej  rizgjedhja e monstrumit politik në krye të LDK-së, përkatësisht do të hudheshin poshtë të gjitha kalkulimet e SHIK-ut për vazhdimin e mbajtjes së pushtetit përmes LDK-së së kapur kapur e stërkequr nga klani RIINVEST.

Nxjerrja e LDK-së prej klanit të Isa Mustafës, klanit të dytë më të rrezikshëm në vend, do të ishte parakusht për shpëtimin e partisë nga katandisja në humnerë dhe zgjidhjen e problemeve të shumta politike në vend.

355 servilët fatkeq të LDK-së, kobzi për vendin

Mirëpo, kur një kuvendi me 355 delegatë iu imponohet rizgjedhja e Isa Mustafës për kryetar në kundërshtim me vullnetin e elektoratit, atëherë ata delegatë nuk mund të jenë gjë tjetër pos servil e puthadorë të liderit diktaorial.

Zgjedhja e liderit me një patericë dhe me një gjëndje të rënduar shëndetësore, i cili më shumë gjasonte në një mumie sesa një figure të gjallë para 355 del(gatë)ve të "vdekur" e të heshtur para tij, flet qartë për "putinizimin" e thellë të LDK-së.

Në këtë kuvend fatkeq për LDK-në dhe kobzi për vendin ndodhi pazari më i pistë në kurriz të qytetarëve të vendit në emrin e elektoratit të LDK-së.

Në qeverinë e ardhshme (për të tretën herë) PDK-LDK, postet qeveritare do të ndahen në mes figuarave të deritanishme qendrore të këtij subjekti politik.

Mbase disa prej disa prej aklamacionistëve do të jenë pjesë e kombinimeve për poste më të ulëta siq janë ato të zv. ministrave dhe këshilltarëve, vozitësve dhe parrukierëve.

Me rizgjedhjen e Isa Mustafës në mënyrë antidemokratike dhe antihumane, LDK-ja i shkeli të gjitha normat demokratike që i kishte kultivuar në kohën e liderit historik Ibrahim Rugova.

Paradoksalisht dhe për të tretën herë radhazi Isa Mustafa më ndihmën e nëntokës kriminale, pa qenë fare anëtarë i LDK-së arriti të katapultohet në kreun e LDK-së dhe ta ruaj vazhdimësinë e politikanit komunist me jetë më të gjatë në skenën politike në tërë Evropën Juglindore.

Përtej ngritjes paradoksale në skenën politike, Isa Mustafa në të njëjtën mënyrë u ngrit edhe në nivelin akademik pa e pasur asnjë libër studimor në fushën e ekonomisë apo politikës.

Elektoratit besnik të LDK-së dhe qytatarëve të vendit në përgjithësi, u kanë mbetur vetëm dy rrugë e një shpresë:  mobilizimi për një organizim të ri ose largimi përgjithmonë nga vendi.

Në fund të këtij shkrimi, lexuesit e këtyre rreshtave që dëshirojnë ta kuptojnë më kjartë e më mirë "putinizimin" e LDK-së, i ftojë që ta kërkojnë në Google shkrimin tim autorial të katër viteve më parë, me titull "LDK-ja rugoviane post-mortum", botuar me 31 maj 2015, shkrim i cili e përçon mesazhin më të sinqertë për elektoratin e LDK-së në ditën e sotme.



(Vota: 0)

Komentoni
Komenti:


Gallery

Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora
PËLLUMB GORICA: MURET CIKLOPIKE QË SFIDOJNË SHEKUJT