E marte, 23.07.2019, 09:03 PM (GMT+1)

Kulturë

Zymer Mehani: Dua ta prek atë kurorë

E diele, 23.06.2019, 10:23 AM


Zymer Mehani

Lavdi përjetësisht dëshmorëve të atdheut!

Me rastin e 19 Qershorit-Ditës së Çlirimit të Besianës

DUA TA PREK ATË KURORË

(Lulëkuqes së Kosovës, Ylfete Humolli)

I

Qetësia përhapet

Në të sajën zbrazëtirë

E Ty, Lulëkuqe e Llapit

E kësaj Toke të dëlirë

Të kujtoj me mall

Të kujtoj me dëshirë

Si Ylber shumëngjyrësh

N’qiellin zbukuruar

Seç u shfaqe Ti-

Moj vashë e bekuar

Kur kish plot stuhi

Ky atdhe i shqetësuar

Lulëkuqe e kësaj Toke

Me kurorë e fletë

Anekënd Atdheut

I dhe aromë vërtet

Lulëkuqe,

Ti s’ishe si lulet e tjera

Për Liri i këpute

Petalet e gjera

Nga gjaku që derdhe

Shqipes iu shtu’ vlera

Dhe për t’u qetësuar

E ty për t’ thënë lavdi

Dua ta prek atë kurorë

Me ngjyat kuq e zi

Sipër tëndit varr

Për një ideal

II

Krenari e Llapit...

Dhe e tërë Kosovës

Përjetësisht ke mbetur

O bijë i Nënëlokes

Ylfete, s'ke vdekur

Prore je e gjallë

Krenarë i përulemi

Tëndit lapidar

Lum nëna që t'lindi

Lum atdheu që t'pat

N' Flamur u lartësove

Lart edhe më lart

Lapidari Yt

Qëndron madhështor

E stolis Flamuri

Lulet me kurorë

Në krahët e Shqipes

Emrin Tënd ta shkruajmë

Nderim dhe respekt

Përherë për ty ruajmë

Të qoftë lavdi, trime

Ty o bijë shqiptari

Mos t'u harroftë emri

Kurrë, moj Shqipe Mali

III

Një vashë

Ngrihet

Këndon

Era

E ndjek

S'e ledhaton

Mbi tokë

E tendos

Përdhe

E plandos.

Në këtë botë

Lakuriqe

Kjo vashëz

Aguliçe

Bie nga era

E mekur

Kurrë

Për të mos vdekur

IV

Flokët ia ledhatonte

e freskët një erë

kur plagët e kombit

lëngonin pa ndërprerë

Përherë gati ishte

kushtrimi kur jepej

ngrihej për Kosovën

asnjëherë nuk stepej

Seç e ngriti zërin

për t’lirin ATDHE

kërkonte LIRI

dhe një jetë të re

Porse gjakatarët

me t’bishës tërbim

e këputën LULËKUQEN

hiq pa hezitim

Ia prenë ëndërrimet

shpresat ia këputën

por, jo, jo barbarët

SHQIPEN dot s’e mundën

Gjer në përjetësi,

trimëresha u ngrit

për Kosovën nënë

kurrë s’lu’jti qerpik

Sot te lapidari-

plot lule dhe kurorë

lavdi t’qoftë YLFETE,

bijë e DHEUT ARBËROR

V

Atdheu im të përshëndet

Nga zemra t’uron

Gjer në qiell kënga buçet

Prore të kujton

Moj trimëreshë e popullit mbarë

Llambadar demokracie

Kombi im të përshëndet

Që i dhurove dritë lirie

Bijtë e shqipes janë me Ty

Krenarë me tëndin emër

Me flamuj duke festuar

Prore t'mbajnë në zemër

S’e harrojmë kurrë sakrificën

Që ti bëre për Kosovën

Kur mbi kokë kishim errësirën

Ndihmove fitoren

Respekt për Ty, moj lulëkuqe

Jetë e mot të qoftë lavdi

Gjithë shqiptarët të nderojnë

Që u flijove për liri



(Vota: 1)

Komentoni
Komenti:


Gallery

Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora
PËLLUMB GORICA: MURET CIKLOPIKE QË SFIDOJNË SHEKUJT