E hene, 21.10.2019, 10:19 PM (GMT+1)

Editorial » Shkreli

Frank Shkreli: Këndon Lahuta e Malësisë në Washington

E enjte, 06.06.2019, 07:18 PM


KËNDON LAHUTA E MALËSISË NË WASHINGTON DC

Nga Frank Shkreli

“Veç se po, moj Zanë Shqyptare

Krah më krah bashkë na tue këndue

Ndërtue kemi nji pomedore,

Rrfe as mot mos m’e dërmue” -- At Gjergj Fishta

Ambasada e Republikës së Kosovës në Washington DC, organizoi të martën mbrëma një mbrëmje artistike për të shënuar 20-vjetorin e çlirimit të Kosovës. Në nj njoftim të shkurtër në faqen e rrjetit shoqëror, Facebook njoftohet se, Mbrëmë, Ramë Lahaj magjepsi audiencën në Washington DC.  Ambasada e Kosovës së bashku me “Washington Performing Arts” shënoi 20 vjetorin e çlirimit të Kosovës me koncertin e tenorit tonë fantastik duke i dëshmuar audiencës së zgjedhur në DC se talenti nuk njeh kufinj, thuhet në njoftim.   “Falënderoj në menyrë të veçantë zotin Vasel Shkreli i cili na i solli tingujt autokton të lahutës”, shprehet ambasadroja e Republikës ës Kosovës në kryeqytetin e Shteteve të Bashkuara, Vlora Çitaku, duke e mbyllur komentin me fjalët, një “Mbrëmje fantastike”.

Ambasadorja e republikës së kosovës në Washintgon duke përshëndetur audiencën e zgjedhur me rastin e 20-vjetorit të çlirimit të Kosovës

Tenori Ramë Lahaj para një audience amerikane në Washington

Lahutari Vasel Shkreli duke i kënduar lahutës të martën mbrëma në Washington

https://www.youtube.com/watch?v=NmJODhiKkT4

https://www.youtube.com/watch?v=r_XBIkosq_4

Lahutari i njohur Vasel Shkreli, i cili jeton në Shtetet e Bashkuara të Amerikës (më duhet të rrëfej se jemi djelm axhash, kurshërinj të parë) i ka rënë dhe i ka kënduar lahutës tone të lashtë mija vjeçare, qyshë në vegjëli. Vaseli ka marrë pjesë në shumë koncerte e festival kombëtare dhe ndërkombëtare, përfshirë edhe festivalet në Gjirokastër gjatë viteve.  Pothuaj i vetmi lahutar këtu në Shtetet e Bashkuara që vazhdon t’i bier dhe t’i këndojë lahutës në koncerte dhe në raste të ndryshme ku kërkohet prania e tij.  I këndon mallit për Atdheun, këndon për mbrojtjen e Shqipërisë dhe të drejtave të Shqiptarëve ndër mote.  Nepërmjet lahutës, Vasel Shkreli kujton patriotët shqiptarë që dhanë jetën duke mbrojtur kufijtë e Kombit, por edhe vlerat kombëtare, nderin e burrëninë, ashtu si na e kishin lënë amanet të parët tanë.

Për pothuaj 50-vjet në Amerikë, Vasel Shkreli nuk ka pushuar së reklamuari Lahutën tonë të lashtë, kryesisht nepër raste të organizuar nga komuniteti dhe audianca shqiptarësh. Ambasada e Republikës së Kosovës, pikërisht Ambasdorja Vlora Çitaku meriton të lavdërohet për këtë nismë, për organizimin e këtij koncerti dhe për ftesën që i ka bërë lahutarit Vasel Shkreli për të dalë para një audience kryesisht amerikane. Ishte një rast për të reklamuar një instrument tonin, aq të vjetër sa edhe ekszitenca jone si Komb para botës amerikan – ne një kohë kur Serbia ka bërë përpjkeje për ta përvehëtsuar lahuten si të sajën, duke përdorur UNESCO-n si një mjetë plaçkitës të vlerave tona dhe të kulturës tonë.  Fatkeqsisht, pushtimi i identitetit tonë kombëtar nga forcat armike shekullore po bëhet gjithnjë e më kërcënues, nga vende dhe udhëheqës që duan të na ndryshojnë historinë dhe ta në vjedhin identitetin kombëtar të shqiptarëve dhe çdo gjë që është pjesë e atij identiteti, madje edhe lahutën tonë – një ndër visaret tona shpirtërore të racës sonë iliro-trake -- që e kemi trashëguar gjysh pas gjyshi.

I lumtë kryediplomates së Republikës së Kosovës, Vlora Çitakut për organizimin e këtij koncerti në kryeqytetin e botës në Washington, me rastin e çlirimit të Kosovës dhe për pasqyrimin e lahutës tonë në atë koncert se bashku me tenorin e njohur Ramë Lahajn – një pasqyrim ky i shkëlqyeshëm i kulturës tonë të vjetër dhe asaj moderne.  Fatkeqsisht, lahuta dhe vlerat tona të vjetra që i përfaqëson lahuta, nuk mund të të ruhen nga ne që kemi humbur rrugëve të botës, nëqoftse për to mungon   respekti dhe mbështetja e tyre nga institucionet shtetërore dhe kombëtare në Shqipëri e në Kosovë si dhe anë e mbanë trojeve autoktone shqiptare.  Sidomos për lahutën, të cilën i madhi At Gjergj Fishta e përjetësoi me veprën e tij “Lahuta e Malcis”, e cila edhe sot duhet të lexohet si burim që lartëson moralin e humbur kombëtar, që shton shpresat për një të ardhme më të mirë dhe dashurinë për Atdheun – vlera këto të cilat do të jetojnë për derisa t’i këndohet lahutës së vjetër, megjith përpjekjet e armiqve shekullorë për t’i vjedhur ato.

Frank Shkreli: Lahuta nuk këndon më për Shqipëri dhe për shqiptarë!:

http://www.zemrashqiptare.net/news/49404/



(Vota: 4 . Mesatare: 5/5)

Komentoni
Komenti:

Artikuj te tjere

Frank Shkreli: 30 vjetori i masakrës në sheshin Tiananman të Pekinit Frank Shkreli: Me rastin e 100-vjetorit të Fjalimit të At Gjergj Fishtës në Konferencën e Paqës, 1919 Frank Shkreli: Vatikani dhe Kosova Dardane Frank Shkreli: Nuk merr fund bota se bie një qeveri Frank Shkreli: Tirania e shumicës - mendime të hedhura Frank Shkreli: Është koha për një mekanizëm të ri në Ballkan Frank Shkreli: Kur viktimat rrëfejnë historitë e tyre, stresohen shkaktarët e krimeve Frank Shkreli: 65 vjet bektashizëm shqiptar në Shtetet e Bashkuara Frank Shkreli: Gazetaria dhe zgjedhjet në kohëra të përhapjes së informacionit fals Frank Shkreli: Të ndarë dhe të përçarë?! Frank Shkreli: Komuniteti shqiptaro-amerikan në ball të kujtimit të viktimave të luftës në Kosovë Frank Shkreli: Çamëria, krahina më jogore e trojeve etnike shqiptare Frank Shkreli: Në Prishtinë u mbajt akademi përkujtimore për masakrën e Tivarit Frank Shkreli: Nënë Tereza bashkon dy famulli amerikane në një Frank Shkreli: Lidhje të ngushta ushtarake midis Shqipërisë dhe Shteteve të Bashkuara Frank Shkreli: Shteti dhe feja janë dy ente me role të ndryshme Frank Shkreli: Vdekja e diskursit publik në botën shqiptare Frank Shkreli: Zgjedhjet e para pluraliste në Shqipëri dhe realiteti i sotëm politik Frank Shkreli: Kryeministri i Kosovës Ramush Haradinaj me malësorët e Detroitit për të kujtuar Ded Gjon Lulin Frank Shkreli: 110 vjetori i gazetës Dielli

Gallery

Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora
PËLLUMB GORICA: MURET CIKLOPIKE QË SFIDOJNË SHEKUJT