Xheladin Gjonaj: Djalit të Geg-Hysenit

DJALIT TË GEG-HYSENIT

-Kushtuar Dervish Isufit, ra deshmor në Kosovë-

Nga Xheladin S. Gjonaj

Geg-Hyseni po ban be

Nuk këta trima që kanë le

Me i shëti brinat me ne

Copa-copa e futim ne dhe.

Ne gjithmonë me luftue

Si shqiptar jena bashkue.

Keti vendi me i dal zot

Siç i dulem jetë e mot.

Mos me u nda prej shqipnisë

Luftuen djemte e malsisë.

Dervish Isufi, nipi i Kadrisë.

E la shpinë ne lule të rinisë.

Ish Dervishi mendje hollë

Shumë i rrallë që diti shkollë.

Me shumë  shokë u bashkue

Shkoi kosoven me çlirue.

Ç'ka i tha nana ati një ditë.

Per gazep unë u kam rritë

Ktheu e mos mi qorro sytë.

Amanet e kam moj nanë

Shoket vetem mos me i lanë.

Në brigatë djali u rreshtue.

Për kosovë ish kanë fillue.

Isuf Çuji e pat afrue

Sikur trimat kane luftue.

Dervish Isufi asht dallue

Për vend të vet jetë pat ndrrue.

U varros në atë Kosove

Asht nderue si deshmorë

Ja prunë eshtnat në Shqipni

krah per krah me shokët e ti.

Nuk la mrapa grue as fëmi

Gjallë pat lanë vllaun e ti

Hasan Idrizin me djem të ri.

S'lan Dervishin me harrue

Çdo 5 Maj tuj e kujtue

Njeqind burra i kanë bashkue.

Gjithmonë trollin e kanë nderue

Dan Hasani qysh i ri

U kujdes për vllaznit e ti.

Kater vjeç i vdiq një djal

Danit zemren ja pat ndal.

E pat lan gruen me fmi

Fort kujdesen vllaznit e ti

Në Tiranë i çuen me shpi

E po i majnë për merkulli.

Femijet në shkollë ja kanë çue

E asgja su ka mungue

Sikur duhet me jetue.

Janë Isufi e Ismeti

Asht Agroni e Mehmeti

Po ja rritin me lezet

Si mi pasë feminë e vet.

E për besë e për burrni

I gjithë fshati u merr lakmi.

Fort Hasani pat punue

Me i rritë dhe edukue

Prej mundimit në kto anë

Para kohe jetë pat dhanë

Djemtë e ti s'kanë harrue

Shpinë përpara për me çue.

Veç me njersë tuj punue.

Kush punon e vdes me nderë .

Nuk harrohet asnjë herë.

Nga do të vimë e të shkojmë

Kurr Dervishin se harrojmë

Me respekt do ta kujtojmë.

-Për ZSh, nga Tropoja, 1 Maj 2019-