E enjte, 28.03.2024, 08:34 PM (GMT)

Kulturë

Kadri Tarelli: Mos e thyej vargun, poet!

E merkure, 10.04.2019, 05:40 PM


MOS E THYEJ VARGUN, POET!

Mos e thyej vargun, të lutem poet!

Poezia, nuk është lojë.

Në do të mbretërosh si mbret,

Lere fjalën, të këndojë!

Pse e thyen vargun, të lutem poet!

Lëre burimin të shkojë.

Gurgullon në udhën e vet,

Dashuri në zemër të zgjojë.

Mos lëndo vargun, të lutem poet!

Pse e bën atë të vuaj?

A e ndjen dhimbjen, si kërcet,

Sikur shkel në dhe të huaj?

Fjala nuk ka faj, të lutem poet!

Pse e bën të çalojë?

Në udhën me gropa, pse e nget,

Dhe kënga t’i mbetet në gojë?

Pse e thyen vargun, të pyes poet?

Për hir të mendimit të lirë.

Modern nuk je, kur vargun e vret,

Si këngë zogu në hapësirë.

Mundon shpirtin kot, poet!

Mos krijo vargje me zor!

Pse ndjek rrugë nëpër det,

kur humb udhën në oborr?

Mos godit vargun, i dashur poet?

Përkëdhele, jepi melodinë!

Në je fisnik dhe mbret mbi mbret,

Dëgjo mbretëreshën violinë!

Kadri Tarelli

Durrës më: 03, fillim Prilli, 2019.



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora