Zemra Shqiptare

  https://www.zemrashqiptare.net/


Bashkim Saliasi: Një buqetë me poezi për Ditën e Verës

| E enjte, 14.03.2019, 07:00 PM |


Bashkim Saliasi

Një buqetë me poezi për Ditën e Verës

Gezuar, mbarsi dhe shendet!

NË TOKËN E ARBRIT

Në tokën e Arbrit,

Lindin vetëm shqiptar.

Një pjesë bëhet e mirë,

Pjesa tjetër tradhëtar.

Kështu ka qenë dje,

Më keq është sot.

Në këtë rrukullisje,

Sa shumë dhimbje e lot.

BOTA

E madhe, e bukur është bota,

E pafundme me mistere e mbrokulla.

Që kur lindi pena, shpata e rrota,

Njerëzia nuk ka më paqe e qetësi.

ÇMENDURIA

U prish bota, ne e pritëm,

U çmend bota krejt papritur.

Se vlerësuam, kur e kishim,

Sa e vështir për ta ngritur.

VASHAT

Janë lulet e jetës, tinguj zemre,

Që sjellin kudo pranverë.

Djemtë i këpusin, u marrin erë,

Ato me fat, bëhen nuse e nëna.

SEKRETI DHE MISTERI

Sekreti dhe misteri vëllezër binjak,

Njëri-tjetrin mbajnë në shpinë.

Kush i zbukuron në kohë, ndihet me fat,

Hedh dritë, rrugën hap për mirë.

E MIRA DHE LIGËSIA

E fshehur qendron ligësia,

Diku strukur ndër skuta.

E mira rrezaton si drita,

Rrugën ndriçon të eci nga hera.

PLAZHISTAT

Ulur ndër shezllone,

Sytë nga qielli mbajnë.

Kjo bukuri pranverore,

Detit i shkakton dallgë.

NDËRGJEGJA

Punon mirë, kur barku është plot,

Dhe nuk gabon asnjëherë.

Mos u lusni kot në Zot,

Nëse i keni të tëra stinët pranverë.

GONXHJA

Sa shpejtë u vyshk gonxhja,

Petalet e bukura rrëzoi për tokë.

E dogji vapa lulkuqen, tha sorra,

Bukuria i iku për lesh, kot...