E premte, 13.12.2019, 10:40 AM (GMT)

Kulturë

Atdhe Geci: Trepça Dardane

E shtune, 09.02.2019, 09:25 AM


TREPÇA DARDANE

Në Trepçë është palca e Kosovës,

qenia që të ardhmen e përcakton,

le të çmenden gjitha perënditë,

Trepça Dardane mua s ́më mohon.

Në të dielat e arit dhe t´argjendit,

në të hënat e shiut dhe, metaleve

u vetëlindën zinku, plumbi, ari

dhe kristalet me flori të Trepçës.

Hapini ballinat e faqeve të tokës

të shihni feldspathet, e manganin,

në të reshurat midis vullkaneve

u vetëlindë toka fisnike dhe Opali

Qahen thëngjillet, florirët e tokës,

qahet humusi, Ibri dhe molibdeni

me gjunj të natës na i bien tokës,

të vrasin Kosovën me hartat blu!

Fol gjuhë e lashtë e kësaj toke,

Trepça e Kosovës prindin e di,

Në Trepçë Kosova ka një emër.

Mëmë e baba ia quajnë Shqipëri!

***

1 .

Jam i ngrënë nga fati vendit tim

I ngrënë nga plagët e mërgimit

Lotët e fshehur po më gërryejnë

tokë e huaj s´na bëka të lumtur!...

2 .

Digjet e piqet kjo botë n ́zjarrmi

Atdheut tonë ngulmon gjak i ri

arti i çlirimit nuk njeh kufij,

në të gjitha kohërat ka emrin, liri...

3.

E dua poezinë, këtë frymë hyjnore

tek hyn me hove në fletoren time,

e dëgjoj ardhjen e saj dhe e ndiejë;

ne jemi njerëzit, krijimi dhe koha!...

Atdhe Geci - Dortmund, 2019



(Vota: 0)

Komentoni
Komenti:


Gallery

Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora
PËLLUMB GORICA: MURET CIKLOPIKE QË SFIDOJNË SHEKUJT