E enjte, 22.10.2020, 10:20 AM (GMT+1)

Kulturë

Nebi Dragoti: Përshëndetje Faslli Haliti

E enjte, 17.01.2019, 08:13 PM


NEBI DRAGOTI

PËRSHËNDETJE FASLLI HALITI

Janë arat e blerta poetike

me konture e profile mozaike,

me ylbere meditacionesh lirike

mbjellur e korrur fushave të Myzeqesë;

përshëndetje nga unë biri i Dumresë!

Më pyesni mua për vlerën që kanë:

ushqim social, klorofil dhe leksion politik,

tantella vese, bukuri bryme e bore,

O ç’art?! Ky art për të gjithë:

krijimtaria e Faslli Halitit perlë e poezisë!

KRAHASIM DASHURIE

Një trëndafil si dorë njeriu,

një qershi e ëmbël si sy vajze,

një gjysmë hëne si vetull perije,

një mollë e kuqe si dy faqe;

ngrohka jeta si zjarr i ndezur

një dashuri si flake e madhe.

SIKUR

Ah, sikur poeti me zemër të madhe

të ishte minister,

kryeministër të ishte,

të ishte president Republike!

Ndryshe do të ishte, ndryshe,

se poeti parimor dhe këngëtar i popullit

është njësh me popullin si At e bir.

Sa mirë do të ishte, sa mirë.

EH, MOJ BOTË

Fabul

Mendjemadhësia dhe mburrja

dëmtojnë të zotin në këtë botë…

Kungulli po thoshte:

-Ia kaloj rrushit ngarkuar bistakë plot.

Dhe u ngjit pemës lart:

-Kungujtë i bëj me peshë të shëndosh

rrumbullak sa një glob…

Dhe rriti tre kunguj, i bëri goxha,

Por.. e shqeu pesha, eh, ç’ hata!

E rrëzoi shtrirë për tokë…

Qeshi hardhia:-Ha, ha, haaa!

Eh, moj botë, eh, moj botë,

mendjemadhësia dhe mburrja,

mirë e pakontrolluar, qënka e kotë…



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora